Tags-Nigaah

paḌī ḳhirman-e-gul pe bijlī sī āḳhir
mire ḳhush-nigah kī nigāh ik ġhazab kī

āñkhoñ meñ ashk bhar ke mujh se nazar milā ke
nīchī nigāh uTThī fitne na.e jagā ke

merī nigāh-e-ġham meñ shikve hī sab nahīñ haiñ
ik baar idhar to dekho nīchī nazar uThā ke

bānū-e-sabā ḳhāk-nashīñ par bhī nigāh
nāchīz pe karnā paḌe takiya na kabhī

nigāh-e-parda-kushā kā kamāl kyā kahnā
jahāñ jahāñ vo chhupe us ne jā ke dekh liyā

kyā hasīn ḳhaar the jo mirī nigāh ne
sādgī se bārhā ruuh meñ chubho liye

kisī pe bār-e-digar bhī nigāh kar na sake
koī bhī shauq ba-hadd-e-gunāh kar na sake

o ġhair ko aañkh dene vaale
'muztar' bhī nigāh-e-rū-ba-rū hai

nigāh-e-bulhavasāñ haa.e kyā qayāmat hai
badal rahe haiñ gul-o-lāla pairahan kyā kyā

tire aane pe ai tīr-e-nigāh-e-nāz maiñ ḳhush huuñ
dil-e-betāb meñ aa kar hisāb-e-dostāñ ho jā

nigāh sirf tahayyur havās vārafta
liyā thā jazb-e-mohabbat kā imtihāñ ham ne

na sāz-o-mutrib na jām-o-sāqī na vo bahār-e-chaman hai baaqī
nigāh-e-sham-e-sahar ke parde ye naqsha-e-anjuman hai baaqī

har-dam vo silk-e-gauhar-e-vīrān huuñ ghūrtā
motī piro rahā huuñ maiñ tār-e-nigāh meñ

har-dam jo maiñ khaTaktā huuñ un kī nigāh meñ
mānind-e-ḳhār uThte haiñ aġhyār raah meñ

tirchhī nazar se us ne jo dekhā yaqīn huā
bal paḌ gayā hai yaar kī teġh-e-nigāh meñ

Dorā nahīñ hai surme kā chashm-e-siyāh meñ
baanā paḌā hai yaar ke pā-e-nigāh meñ

kahte haiñ dekhte haiñ mubassir agar use
ye jins-e-be-bahā hai hamāre nigāh meñ

ḳhush-chashm tū vo hai ki ġhazālān-e-hind-o-chī
aage tire samāte nahīñ haiñ nigāh meñ

laḌte hī us se aañkh fanā the habāb-vār
bahr-e-qazā kā ghaaT hai teġh-e-nigāh meñ

jo nigāh kī thī zālim to phir aañkh kyuuñ churā.ī
vahī tiir kyuuñ na maarā jo jigar ke paar hotā