Tags-Nigaah

shām-e-ġham kuchh us nigāh-e-nāz kī bāteñ karo
be-ḳhudī baḌhtī chalī hai raaz kī bāteñ karo

maz.har-e-husn-e-talab hogī nigāh-e-be-talab
mudda.ā ye hai ki tark-e-mudda.ā kartā huuñ maiñ

ab to nigāh-e-shauq kā ye haq bhī chhin gayā
Tv hī ik jagah thī hasīnoñ kī diid kī

nigāh-e-be-mahābā tere sadqe
ka.ī TukḌe jigar hai aur maiñ huuñ

nigāh-e-avvalīñ se ho ke barbād
taqāzā-e-digar hai aur maiñ huuñ

miTā kar dil nigāh-e-avvalīñ se
taqāzā-e-digar hai aur maiñ huuñ

hazār shauq numāyāñ the jis nazar se kabhī
vahī nigāh baḌī ajnabī sī lagtī hai

mirī nigāh meñ vo riñd hī nahīñ saaqī
jo hoshiyārī o mastī meñ imtiyāz kare

dil o nigāh meñ ik raushnī sī lagtī hai
tumhārī yaad se vābastagī sī lagtī hai

butāñ kī 'mīr' sitam vo nigāh hai jis ne
ḳhudā ke vāste bhī ḳhalq kā vabāl liyā

abhī maiñ ne zulmat-e-shab kī samt nigāh Daalī thī ġhaur se
ki kisī ne dil kī muñDer par diye rakh diye tire naam ke

siina chaman hai ġhuncha-e-dil hai shagufta-dil
terī nigāh hai chaman-ārā kaheñ jise

vo sañg de to harārat nichoḌ lo apnī
jo phuul de to nigāh-e-kamāl kar dekho

ba-juz naqsh-e-pashemānī-e-qātil
nigāh-e-hasrat-e-bismil meñ kyā hai

nigāh-e-ahl-e-rāz meñ haqīqat o majāz meñ
hamārī be-nishāniyāñ tirā nishāñ liye hue

nigāh-e-ahl-e-duniyā ho ki chashm-e-nīm-ḳhvāb un kī
kabhī iqrār haiñ donoñ kabhī inkār haiñ donoñ

jo nigāh kī bhī palak uThā to hamāre dil se lahū bahā
ki vahīñ vo nāvak-e-be-ḳhatā kaso ke kaleje ke paar thā

ruuh ko ek aah kā haq hai
aañkh ko ik nigāh kā haq hai

karūñgā maiñ tirī mahfil kī raunaqeñ do-chand
merī taraf bhī agar lutf kī nigāh karo

nigāh-e-nāz kā nashsha kabhī kā TuuT chukā
bas ab to āñkhoñ meñ us kā ḳhumār hai shāyad