Tags-Nigaah

nigāh bāzār par nahīñ thī vagarna kyuuñ chāra-sāz-e-ġham ne
marīz ke nusḳha-e-shifā meñ ḳhulūs kā jaam likh diyā hai

idhar udhar mirī āñkheñ tujhe pukārtī haiñ
mirī nigāh nahīñ hai zabān hai goyā

kahāñ se dekhiye mauj-e-surūr uThtī hai
nigāh-e-nāz bhī hai sāġhar-e-sharāb bhī hai

nigāh-e-shauq larazte haiñ taar chilman ke
talāsh kar inhī kirnoñ meñ āftāb bhī hai

dil-e-tabāh bhī hai ālam-e-ḳharāb bhī hai
nigāh-e-dost yahī vaqt-e-inqalāb bhī hai

nigāh duur hī rakkho hamāre zaḳhmoñ se
jo in ko dekheñ to gahrā.iyāñ ulajh jaa.eñ

shaiḳh-e-nigāh tirī hāzirī ko chal niklūñ
havā-e-tauba sukhā de agar labāda mirā

dil-o-nigāh ke husn-o-qarār kā mausam
vo terī yaad tire intizār kā mausam

milī nigāh to ik pal meñ ham pe guzrā hai
karoḌ qurbatoñ lākhoñ qarār kā mausam

apne 'darshan' pe ik nigāh-e-karam
ki ġham-e-zindagī kā maarā hai

ik karam kī nigāh kar diije
umr-bhar kā sitam gavārā hai

nigāh-e-yār mil jaatī to ham shāgird ho jaate
zarā ye siikh lete dil ke le lene kā Dhab kyā hai

ḳhatā hai apnī ki māhaul hai zamāne kā
nigāh-e-garm bahut sulh-o-āshtī kam hai

so gardan jhukā kar nigāh taan lī hai
ki inkār o iqrār kā baar utre

mujhe bhī ḳhud na thā ehsās apne hone kā
tirī nigāh meñ apnā maqām khone tak

agar nigāh-e-karam sheva ab nahīñ na sahī
mirī taraf abhī chashm-e-sitam-shi.ār to hai

maqām-e-dil koī manzil na ban sakā na sahī
tirī nigāh-e-mohabbat kī rahguzār to hai

dil kā surāġh kyā ki jahāñ tak nigāh kī
nairañg-e-naqsh-e-rafta-e-pā-e-farār thā

sāhil banī nigāh kī had fāsle miTe
girdāb-e-mauj-e-dūd makāñ kā hisār thā

phir khaTakte haiñ nigāh-e-bāġhbāñ meñ kis liye
ḳhair se ab chaar tinke bhī nasheman meñ nahīñ