Tags-Nigaah

dil par nigāh-e-shauq mizāj-e-jamāl par
hālāt-o-vārdāt pe kis ko hai iḳhtiyār

nigāh-o-dil se guzrī dāstāñ tak baat jā pahuñchī
mire hoñToñ se niklī aur kahāñ tak baat jā pahuñchī

agarche aañkh bahut shoḳhiyoñ kī zad meñ rahī
mirī nigāh hamesha adab kī had meñ rahī

kise batāte ki manzar nigāh meñ kyā thā
har ek rañg meñ apnā hī bas tamāshā thā

husn kī ik nigāh jāñ-parvar
ishq kī aur zindagī kyā hai

nigāh-e-garm se us kī dil-e-betāb rū-kash hai
harīf āḳhir huā ye pāra-e-sīmāb ātish kā

chāhā lekin na bach sake ham
āḳhir teġh-e-nigāh khaa.ī

usī nigāh ne āñkhoñ ko kar diyā patthar
usī nigāh meñ sab kuchh nazar bhī aayā thā

bosa dete nahīñ aur dil pe hai har lahza nigāh
jī meñ kahte haiñ ki muft aa.e to maal achchhā hai

tirī nigāh ne gauhar banā diyā varna
hisār-e-mauj meñ misl-e-habāb ham bhī the

koī bhī nahīñ yahāñ pe āzād
dhokā ye faqat nigāh kā hai

ik nigāh-e-āshnā ko bhī vafā kartā nahīñ
vā huiiñ mizhgāñ ki sabza sabza-e-begāna thā

ye miTā chukī mirī zindagī to karam se apne sañvār de
vo mirī nigāh kā kaam thā ye tirī nigāh kā kaam hai

nigāh raat kā ziina talāsh kartī rahī
sulagte ḳhvāb kisī taaq par rakhe hue the

nigāh-e-shauq ko ruḳh par nisār hone do
ye rañg lā.egī kyā kyā bahār hone do

allāh rī ye nazākat-e-yak-jalva-e-nigāh
ḳhud un kā husn un kī tabī.at pe baar hai

rasta bhī vāpsī kā kahīñ ban meñ kho gayā
ojhal huī nigāh se hirnoñ kī Daar bhī

is fāsloñ ke dasht meñ rahbar vahī bane
jis kī nigāh dekh le sadiyoñ ke paar bhī

na tujhe dimāġh-e-nigāh hai na kisī ko tāb-e-jamāl hai
unheñ kis tarah se dikhā.ūñ maiñ vo jo kahte haiñ ki ḳhudā nahīñ

barchhī thī vo nigāh dekho to
lahū āñkhoñ meñ hai ki aañsū hai