Tags-Nigaah

jab se tum ne nigāh pherī hai
koī apnā nazar nahīñ aatā

ye ḳhaak hī mirī zanjīr ban ga.ī varna
mirī nigāh meñ jachtī nahīñ koī poshāk

nigāh ḳhuub sahī dūsroñ ke aiboñ par
magar ḳhud apnā garebān bhī nazar meñ rahe

ghultī ga.ī badan meñ tamāzat sharāb kī
sāġhar nigāh kā thā labālab bharā huā

siina chaman hai ġhuncha-e-dil hai shagufta-dil
terī nigāh hai chaman-ārā kaheñ jise

ġhussa meñ aañkh bhī nahīñ miltī kisī se aaj
kis par gire nigāh kā shahbāz dekhnā

zarā sī ik nigāh-e-ishq meñ āñkhoñ se girtā hai
bahut āsān hai insān kā be-kār ho jaanā

kyūñ-kar āñkheñ na ham ko dikhlāo
kaise ḳhush-chashm ḳhush-nigāh ho tum

ḳhadañg-e-zulm vo barse ki ḳhud bhī āḳhir-e-kār
nigāh-e-zulm meñ shamshīr kar diye ga.e ham

ik nigāh-e-dilbarī merī taraf
zindagī aa jā.egī merī taraf

'nazīr' huuñ vo sharābī ba-faiz-e-pīr-e-muġhāñ
nigāh Daal duuñ jis par vo laḌkhaḌā ke chale

nigāh o dil bhī qadam kī tarah milā ke chale
kis ittihād se raahī rah-e-vafā ke chale

dekh us ko ik aah ham ne kar lī
hasrat se nigāh ham ne kar lī

kuchh aise dost bhī merī nigāh meñ haiñ 'qatīl'
ki mujh ko baaz rakheñ jis se ḳhud usī pe mareñ

kis pe chhoḌe nigāh kā shahbāz
kyā kare hai shikār kī bāteñ

zamīñ par huuñ magar kaT kaT ke girtā jā rahā huuñ
musalsal ik nigāh-e-āsmānī kāTtī hai

nigāh-e-nāz meñ mastī bhī hai taqaddus bhī
sharāb-ḳhāne kā mandir se rābta niklā

chhū kar bulandiyoñ se utarne lagā huuñ maiñ
shāyad nigāh-e-vaqt se Darne lagā huuñ maiñ

yā to kisī ko jur.at-e-dīdār hī na ho
yā phir mirī nigāh se dekhā kare koī

saaqī kī nigāh-e-mast mujhe jab yaad 'shamīm' aa jaatī hai
us vaqt hī apne taaq se maiñ shīshoñ ko utārā kartā huuñ