Tags-Nigaah

kitnī piyegā jaam o subū se
mast-e-nigāh-e-mastāna ban jā

but-ḳhāna-e-majāz se guzrā huuñ bārhā
ḳhuddārī-e-nigāh numāyāñ kiye hue

ishq kā koī ḳhair-ḳhvāh to hai
tū nahīñ hai tirī nigāh to hai

tāb-e-jalva mujhe nahīñ na sahī
lekin ik jur.at-e-nigāh to hai

aur jo jaatī thī kabhī ḳhosha-e-parvīñ pe nigāh
vo bhī lagtā thā sanam dasta-e-paikāñ tujh bin

tum ne hamāre zarf-e-nazar par na kī nigāh
saare jahāñ ko husn se ma.amūr kar diyā

be-tahāshā tirī tasvīr pe jaatī hai nigāh
jab koī kahtā hai taqdīr kā maarā mujh ko

is se pahle ki terī chashm-e-karam
ma.azarat kī nigāh ban jaa.e

vahāñ se ḳhvāb koī aur le uḌā ho use
mirī nigāh tirī aañkh meñ rukī hī na ho

phir samāyā hai mirī nazroñ meñ vo māh-e-mubīñ
phir nigāh-e-dil javāb-e-āsmāñ hone lagī

phir pukārā chāñd-tāroñ ne mujhe shām-e-firāq
phir nigāh-e-shauq nazr-e-āsmāñ hone lagī

nigāh-e-kam se merī chāk-dāmānī ko mat dekho
hazāroñ hoshyāroñ meñ koī dīvāna bantā hai

kuchh is andāz se chheḌā nigāh-e-nāz-e-jānāñ ne
ki rah rah kar hamāre dil ke zaḳhmoñ ko hañsī aa.ī

nazar se dāman bachā bachā ke maiñ dil ko aarif banā rahā huuñ
tumhāre jalvoñ kī manziloñ meñ nigāh kā e'tibār kyā hai

insāñ ba-yak nigāh burā bhī bhalā bhī hai
ya.anī vo musht-e-ḳhāk to hai kīmiyā bhī hai

tirī nigāh kā kyā qarz ham utāreñge
tirī nazar se baḌe kaam lete rahte haiñ

ġham-e-hayāt kī ta.alīm-o-tarbiyat ke liye
tirī nigāh ke ahkām lete rahte haiñ

tumheñ chand qatra-e-ashk bhī kiye pesh jis ke javāb meñ
vo salām nīchī nigāh kā tumheñ yaad ho ki na yaad ho

kyā kahūñ be-ḳhud huā maiñ kis nigāh-e-mast se
aql ko bhī merī hastī kā adab karnā paḌā

tirī nigāh kā dil ko yaqīñ sā hai varna
sunī hai baat kuchh aisī ki mo'atabar bhī nahīñ