Tags-Nigaah

nazar ko ek hī nuqte pe murtakiz kar le
dil-o-nigāh kī uljhan ko ek saath samajh

tirī yaad meñ kab qayāmat na TuuTī tire ġham meñ kab hashr barpā na dekhā
ba-juz ik nigāh-e-masīhā-nafas ke mohabbat ke māroñ ne kyā kyā na dekhā

ḳhulūs-e-alfāz kaam aayā nigāh-e-ahl-e-fitan se pahle
naved-e-dil ne mujhe pukārā sadā-e-dār-o-rasan se pahle

nigāh-e-bāda-gūñ yuuñ to tirī bātoñ kā kyā kahnā
tirī har baat lekin ehtiyātan chhān lete haiñ

terā vo jaur ye mirā sabr
insāf se Tuk nigāh karnā

kal sū-e-ġhair us ne ka.ī baar kī nigāh
lākhoñ ke biich chhuptī nahīñ pyaar kī nigāh

sharm hai tarz-e-talāsh-e-intiḳhāb-e-yak-nigāh
iztirāb-e-chashm barpā doḳhta-ġhammāz hai

kī nazar jis par kudūrat se rahā ḳhāmosh vo
hai asar gard-e-nigāh-e-yār meñ sindūr kā

bach gayā tīr-e-nigāh-e-yār se
vāqa.ī ā.īna hai faulād kā

nigāh-e-bāġhbāñ kuchh mehrbāñ ma.alūm hotī hai
zamīñ par aaj shāḳh-e-āshiyāñ ma.alūm hotī hai

so nāma-bar ko kaahe thamā.eñ payām ham
mastūr hai nigāh meñ apnā suḳhan tamām

bas ai jamāl-e-yār tirā iltifāt thā
joñ vā huā nigāh pe bāġh-e-adan tamām

jo kuchh nigāh meñ hai haqīqat meñ vo nahīñ
jo tere sāmne hai tamāshā kuchh aur hai

is tavaqqo pe huuñ ḳhāmosh ki vo shoḳh-nigāh
phir Tahokā pa-e-taqrīb-e-ġhazal-ḳhvānī de

chhoḌ de aaj sharm kā dāman
ai parī-zād ab nigāh uThā

tujh se milī nigāh to dekhā ki darmiyāñ
chāñdī ke ābshār the sone kī raah thī

dil-o-nigāh ko vīrān kar diyā maiñ ne
shikast-e-ḳhvāb kā elaan kar diyā maiñ ne

us nigāh-e-nāz ne 'bahzād' mujh ko kho diyā
jis nigāh-e-nāz ko apnī davā samjhā thā maiñ

maiñ ek zarra-e-nāchīz hī sahī lekin
nigāh vaale samajhte haiñ āftāb mujhe

balbe chitvan tirī ma.āz-allāh
uf re TeḌhī nigāh kyā kahnā