Tags-Nigaah

talḳh kar letā huuñ har lazzat kī shīrīnī ko maiñ
kyuuñ nigah merī nigāh-e-pesh-bīñ kar dī ga.ī

aate haiñ bazm-e-yārāñ meñ pahchān hī gayā
mai-ḳhvār kī nigāh ko mai-ḳhvār dekh kar

is madh-bharī nigāh kī allāh-re kashish
sau baar dekhnā paḌā ik baar dekh kar

kamāl-e-kam-nigahī hai ye e'tibār tirā
vahī nigāh bahut thī jo dil ke paar ga.ī

mirī tirī nigāh meñ
jo laakh intizār haiñ

vahī hālateñ vahī sūrateñ haiñ nigāh meñ
kisī aur sūrat-e-hāl meñ nahīñ ā.ūñgā

jo chhup ke dekheñ to taaḌ jaave vagar sarīhan to dekho phirtī
ki aate aate nigāh ruḳh tak chhupā le muñh ko ulaT ke āñchal

sar-e-anjuman taġhāful kā sila bhī de ga.ī hai
vo nigah jo dar-haqīqat thī nigāh se ziyāda

apnī nigāh par bhī karūñ e'tibār kyā
kis maan par kahūñ vo mirā intiḳhāb thā

jaadū tirī nigāh kā aaj na mujh pe chal sakā
aaj tirā ḳhayāl bhī kaise kahūñ ki khal gayā

DhūñDtī thī har taraf kis ko nigāh-e-vāpsīñ
aas kis ke diid kī bīmār-e-hijrāñ le chalā

nigāh-e-shauq ke parvarda nazzāroñ kī mahfil meñ
ye dil bahle na bahle haañ magar bahlā.e jaate haiñ

hisāb-e-dard karūñ bhī to is se kyā hāsil
nigāh-e-shauq meñ harf-e-ziyāñ Thahartā nahīñ

bahut udaas bahut munfa.il nazar aa.ī
nigāh chuum ke ruḳhsār-e-shādmānī ko

balā se haiñ jo ye pesh-e-nazar dar-o-dīvār
nigāh-e-shauq ko haiñ bāl-o-par dar-o-dīvār

le kaam mujh se saḳht uḌānoñ kā tū magar
pahle mirī nigāh mire bāl-o-par bhī dekh

gulābī lab, muskurāte āriz, jabīñ kushāda, buland qāmat
nigāh meñ bijliyoñ kī jhil-mil, adāoñ meñ shabnamī latāfat

ye kis tarah yaad aa rahī ho ye ḳhvāb kaisā dikhā rahī ho
ki jaise sach-much nigāh ke sāmne khaḌī muskurā rahī ho

bikhar ke ret hue haiñ vo ḳhvāb dekhe haiñ
mirī nigāh ne kitne sarāb dekhe haiñ