Tags-Nigaah

kaifiyat dil kī sunātī huī ek ek nigāh
be-zabāñ ho ke bhī vo mā.il-e-guftār āñkheñ

guzre haiñ nigāh-o-dil se ho kar
har tarah ke be-shumār chehre

baiThe baiThe in kī mahfil yaad aa jaatī hai jab
dekhtī hai ye samāñ taḳh.īl kī ūñchī nigāh

na faqat tumhārī nigāh ne mire dil ko haath se le liyā
ki tumhārī zulf-e-darāz ne mujhe sau balā meñ phañsā diyā

ai nigāh-e-dost ye kyā ho gayā kyā kar diyā
pahle pahle raushnī dī phir añdherā kar diyā

us nigāh-e-shauq kī tira-afagnī rakkhī rahī
maiñ ne pahle us ko majrūh-e-tamāshā kar diyā

ai nigāh-e-yās ho terā burā
tū ne taḌpā hī diyā jallād ko

nigāh-e-muntazir kab tak karegī ā.īña-bandī
kahīñ to dasht-e-ġham meñ yaar kā mahmil Thahar jaa.e

'qamar' ajiib hai uslūb-e-ḳhāmushī us kā
bas ik nigāh meñ dil kī kitāb likh denā

vo nigāh-e-mast uThī gardish meñ jaam aa hī gayā
yaanī vaqt-e-imtiyāz-e-ḳhās-o-ām aa hī gayā

mujhe to Dho ke thā zāhid par ik nigāh se aaj
ġhurūr kyā huā vo terī pārsā.ī kā

nigāh-e-shauq hai gustāḳh lekin
nigāh-e-shauq kuchh badnām bhī hai

rukī huī hai zamīn paanī ke mintaqe par
Thahar gayā hai nigāh-e-betāb par sitāra

laḌātā hai agar aġhyār se tū roz-o-shab āñkheñ
'muhib' apne par ai zālim nigāh-e-lutf gah gah kar

merī nigāh-e-shauq gadāgar banī huī
jalvoñ kī bhiik maañg rahī hai kahāñ kahāñ

yuuñ is nigāh ko apnī kushāda rakhte haiñ
ki is ke baad kabhī dekhnā nahīñ hogā

nigāh-e-gul se bulbul yuuñ girī hai
gire jis tarah tinkā āshiyāñ se

tirī nigāh ne kyā de ke shād-kām kiyā
ki be-niyāz-e-tamannā hai zindagī merī

jalva-e-rañg hai nairañg-e-taqāzā-e-nigāh
koī majbūr tamāsha-e-sarāb aatā hai

shab-e-siyah meñ hai terī hī yaad kā lapkā
nigāh Thokareñ khātī hai ghup añdherā hai