Tags-Nigaah

kis se laḌī nigāh ye kis par itaab hai
hote haiñ band rauzan-e-dīvār kyā sabab

nazar kī pyaas bujhā do jo ik nigāh se tum
to har nazāre se rusvā mirī nazar kyuuñ ho

nigāh-e-'qais' tirī dastaras ko maan ga.e
kahāñ kahāñ se mazāmīñ churā.e haiñ kyā kyā

vo tīra-baḳht haqīqat meñ hai jise 'mullā'
kisī nigāh ke saa.e kī chāñdnī na milī

tum aa.e nasīb jaag uTThā
māyūs nigāh muskurā.ī

saaqī ne bhī mujhe nazar-andāz kar diyā
mujh par nigāh-e-mīr-e-ḳharābāt bhī nahīñ

uḌte hue parind ḳhalāoñ meñ gum hue
phir rah gayā nigāh meñ jam kar dhuāñ dhuāñ

hadd-e-nigāh shaam kā manzar dhuāñ dhuāñ
chhāne lagā hai zehn ke andar dhuāñ dhuāñ

ye kaisī rif.ateñ ā.īna-e-nigāh meñ haiñ
kisī sitāre pe jaise utar rahā huuñ maiñ

aa dil meñ tujhe kahīñ chhupā luuñ
logoñ kī nigāh se bachā luuñ

ye hai turfa sūrat-e-dostī ki nigāh-e-dil hama barf haiñ
na vo baada hai na vo zarf haiñ na vo harf haiñ na hikāyateñ

kitāb sā mirā chehra tirī nigāh meñ hai
bayān kar mirī zaat o sifāt achchhī tarah

vo mere haal se mujh ko parakh rahe the 'hasan'
mirī nigāh meñ guzrā huā zamāna thā

tirī nigāh-e-talabgār dīd-e-mehdī hai
tire irāde meñ garmī-e-inqalāb nahīñ

nigāh-e-shauq mirī ruuh khīñch letī hai
nahīñ vo riñd ki sāġhar se muñh lagā ke piyūñ

nigāh-e-dost ko is kī bhī hai ḳhabar lekin
vo raaz jis kā abhī dil bhī rāzdār nahīñ

hazār pardoñ meñ o chhupne vaale ye sun le
tirā jamāl mire dāman-e-nigāh meñ hai

har ek jalva-e-rañgīñ mirī nigāh meñ hai
ġham-e-firāq kī duniyā dil-e-tabāh meñ hai

nigāh-e-lutf kā mamnūn hai dil
magar ye pursish-e-bār-e-digar kyā

sitam tīr-e-nigāh-e-dilrubā thā
hamāre haq meñ paiġhām-e-qazā thā