Tags-Nigaah

nigāh-e-mast saaqī kī tilism-e-rañg-o-mastī hai
kahīñ paimāna ban jaa.e kahīñ mai-ḳhāna ban jaa.e

nigāh o dil ko qarār kaisā nashāt o ġham meñ kamī kahāñ kī
vo jab mile haiñ to un se har baar kī hai ulfat na.e sire se

ham pe kyuuñ charḳh kī nigāh paḌī
ham to kuchh aise nāmvar bhī nahīñ

mirī nigāh meñ nā-mo'tabar thā jis kā vajūd
vo fāsla mirī taqdīr ban gayā shāyad

nigāh-e-husn kī tāsīr ban gayā shāyad
ḳhayāl-e-zehn meñ zanjīr ban gayā shāyad

ka.ī sher us kī nigāh se mire ruḳh pe aa ke ġhazal bane
vo nirālā tarz-e-payām thā jo suḳhan kī had se guzar gayā

allāh ḳhabar bijlī ko na ho gulchīñ kī nigāh-e-bad na paḌe
jis shāḳh pe tinke rakkhe haiñ vo phūltī-phaltī jaatī hai

hanūz ai asar-e-dīd nañg-e-rusvā.ī
nigāh fitna-ḳhirām o dar-e-do-ālam baaz

fareb-e-san.at-e-ījād kā tamāshā dekh
nigāh aks-farosh o ḳhayāl ā.ina-sāz

nigāh-e-mast kā mamnūn-e-kaif huuñ 'maḳhmūr'
ki pī to ḳhuub magar bāda-ḳhvār ho na sakā

us shoḳh ne nigāh na kī ham bhī chup rahe
ham ne bhī aah aah na kī ham bhī chup rahe

had se guzar na jā.ūñ maiñ aisā na kījiye
mastī-bharī nigāh se dekhā na kījiye

kyā kahūñ kyā haal hai mujh nā-tavān-o-zār kā
huuñ nigāh-e-vāpsīñ apnī dil-e-bīmār kā

shor hai ġhul hai jahāñ meñ murdan-e-dushvār kā
ek chaltā vaar hai teġh-e-nigāh-e-yār kā

chhū ga.ī kāfir havā kis kī nigāh-e-garm se
phuul kumlāyā huā hai kuchh gul-e-ruḳhsār kā

dushman pe bhī nigāh rahe aib meñ hai vo
ye kyā ki sirf chāhne vāloñ ko dekhiye

nigāh-e-yās se muñh tak rahā huuñ ik ik kā
koī to bazm-e-raqībañ meñ ġham-gusār mile

ḳhurshīd kī nigāh se shabnam ko aas kyā
tasvīr-e-rozgār se dil hai udaas kyā

hazār shauq numāyāñ the jis nazar se kabhī
vahī nigāh baḌī ajnabī sī lagtī hai

kyā chashm-e-mast-e-yār se tashbīh dījiye
kaifiyyat-e-nigāh nahīñ jaam ke liye