Tags-Aitbaar

samajh sake na ham kabhī kisī kī be-yaqīniyāñ
bharī huī thī aañkh meñ to dhuul e'tibār kī

ghaTegā tere kūche meñ vaqār āhista āhista
baḌhegā āshiqī kā e'tibār āhista āhista

e'tibār aa.e bhī kaise us kā
baat jo dil ko na bhaa.e apne

rāhoñ ke ruḳh badal ga.e manzileñ duur ho ga.iiñ
ḳhizr ke e.atibār par jab kabhī qāfile baḌhe

hāl-e-'bīmār' jā-e-riqqat hai
marham-e-dil kā e'tibār uThā

kabhī ke ḳhatm huī e'tibār kī duniyā
kisī ke vāste ab koī be-qarār nahīñ

mire to apne hī āñgan meñ paañv zaḳhmī hue
mujhe yahāñ pe kisī par bhī e'tibār nahīñ

kho ga.e kahāñ mere e.atibār ke rishte
kis ne bo diye kāñTe phuul se gharāne meñ

na talāfiyāñ hī māñgeñ na vafā na pyaar māñgeñ
chalo aaj us se khoyā huā e'tibār māñgeñ

chāñd chhat par zarūr aa.egā
merī āñkhoñ kā e'tibār kareñ

kareñ e'tibār kisī pe kyā ki ye shahr shahr-e-nifāq hai
jahāñ muskurāte haiñ lab kahīñ vahīñ tanz hai kisī baat meñ

vaqār-e-sabr khoyā girya-hā-e-be-qarārī ne
kahīñ ai e'tibār-e-chashm-e-nam aisā bhī hotā hai

na thā bharosa to rakhte hī kaise ummīdeñ
sulūk-e-vaqt se har e.atibār ḳhatm huā

aañkh kā e'tibār kyā karte
jo bhī dekhā vo ḳhvāb meñ dekhā

ḳhudā na karda gire koī apnī nazroñ se
na ho ki apnā koī e.atibār kar na sake

vaqfa-e-umr ek dam haif hai vo bhī sarf-e-ġham
kis ko hai e'timād-e-roz kis ko hai e'tibār-e-shab

na chahchahe na surūd-e-shaguftagī na mahak
kise ab aisī bahāroñ pe e'tibār aa.e

ab in hudūd meñ laayā hai intizār mujhe
vo aa bhī jaa.eñ to aa.e na aitabār mujhe

kahāñ vo ummīd-e-āmad-āmad kahāñ ye īfā-e-ahd-e-fardā
jab e'tibār-e-nazar na thā kuchh ab e'tibār-e-nafas nahīñ hai

mujhe kyā ḳhabar thī tirī jabīñ kī vo raushnī mire dam se thī
maiñ ajiib sāda-mizāj thā tire e'tibār meñ bujh gayā