Tags-Pani

aañkh meñ paanī rakho hoñToñ pe chiñgārī rakho
zinda rahnā hai to tarkībeñ bahut saarī rakho

apne zo.am meñ kitne sūraj Duub ga.e
ghar se chale the aag lagāne paanī meñ

shāyad ye bastī bhī ab bik jā.egī
aa.ī yahāñ bhī tel kī ḳhushbū paanī meñ

narm-rau paanī meñ pahroñ TikTikī bāñdhe hue
ek chehra dekhtā thā boltā sā ā.īna

aañkh par shīsha lagāyā hai ki mahfūz rahe
terī tasvīr jo paanī meñ banā.ī huī hai

aaj kī mahfil meñ ai 'shahpar' nukta-chīnī thī mujh par
terā to kuchh zikr nahīñ thā tū kyuuñ paanī paanī thā

jab maiñ ghar se niklā thā tab ḳhushk zabāñ par kāñTe the
aur jab ghar meñ vāpas aayā gardan gardan paanī thā

vo sukūn-e-jism-o-jāñ girdāb-e-jāñ hone ko hai
pāniyoñ kā phuul paanī meñ ravāñ hone ko hai

kis bharose pe maiñ Takrā.ūñ havā se 'sajjād'
gar bikhartā huuñ to atrāf meñ sab paanī hai

mere ashkoñ kī jhaḌī se paanī paanī ho ga.ī
ban na aa.ī aisī kuchh bigḌī havā barsāt kī

kyuuñ na huuñ kaalī ghaTā.eñ barq-zā barsāt kī
aag paanī meñ lagātī hai havā barsāt kī

dekhiye kyā kyā sitam mausam kī man-mānī ke haiñ
kaise kaise ḳhushk ḳhitte muntazir paanī ke haiñ

paanī kā ruḳh badalne ko maare haath paañv
ik aadmī jo ḳhud ko batātā rahā chaTān

kahāñ rahbar meñ jauhar rahbarī ke
ki paanī hī to hai zamzam nahīñ hai

zindagī ne jo masarrat paa.ī thī
vo ḳhushī āñkhoñ kā paanī ho ga.ī

Thahre paanī meñ girā sañg ravānī koī
chāhiye taaza huā ruuh kī gahrā.ī meñ

paanī ke shīshoñ meñ rakkhī jaatī hai
sundartā jhīloñ meñ rakkhī jaatī hai

sah chukī sab dhuup paanī ke azaab
zindagī āḳhir tire kas-bal ga.e

paanī us meñ se bhareñ is meñ gireñ yūsuf-e-dil
chashma-e-chāh-e-zaqan aur kuaañ hai kuchh aur

jā ke vo barsā na-jāne kis samundar par 'shabāb'
aah jo bādal mirī jhīloñ kā paanī pī gayā