Tags-Pani

chhap se girtī hai koī chiiz ruke paanī meñ
duur tak phaTtī huī kaa.ī chalī jaatī hai

is meñ aalam kī sab ābādī o vīrāna hai
ye jo kuchh paanī se bāhar hai zamīñ thoḌī sī

tire barasne se paanī hai qalb dushman kā
amal ye nek hai 'tamjīd' baar baar baras

katrāte haiñ bal khāte haiñ ghabrāte haiñ kyuuñ log
sardī hai to paanī meñ utar kyuuñ nahīñ jaate

aate aate aañkh tak dil kā lahū paanī huā
kis qadar arzāñ hai apne ḳhuun kā saudā yahāñ

duur thā sāhil bahut dariyā bhī tuġhyānī meñ thā
ik shikasta-nāv sā maiñ tez-rau paanī meñ thā

paanī paanī rahte haiñ
ḳhāmoshī se bahte haiñ

daulat shohrat aanī jaanī phir is par itrānā kyā
paanī par ye naam likhā ho aisā bhī ho saktā hai

yā mujh ko dast-e-yār se paanī kā ghūñT de
yā jo ragoñ ko tar kare aisī sharāb DhūñD

paanī meñ aks aur kisī āsmāñ kā hai
ye naav kaun sī hai ye dariyā kahāñ kā hai

jis dar se ham vābasta haiñ us dar se
paanī kī bhī pyaas bujhā.ī jaatī hai

muñh meñ vaa.iz ke bhī bhar aatā hai paanī akasr
jab kabhī tazkira-e-jām-e-sharāb aatā hai

kyā bāteñ banātā hai vo jaan jalātā hai
paanī meñ dikhātā hai kāfūr kā jal jaanā

chhap ga.ī paanī meñ apnī chhab dikhā kar jal-parī
aaj phir 'nāyāb' mere saath ik dhoka huā

chaloge saath mire āgahī kī sarhad tak
ye rahguzār utartī hai gahre paanī meñ

ajab nahīñ jo ugeñ yaañ daraḳht paanī ke
ki ashk bo.e haiñ shab bhar kisī ne dhartī meñ

ab ke barsāt meñ paanī aa.e
ḳhushk dariyā meñ ravānī aa.e

bhañvar meñ mashvare paanī se letā huuñ
maiñ har mushkil ko āsānī se letā huuñ

nahīñ letā magar lene pe aa.uuñ to
maiñ badla aag kā paanī se letā huuñ

tamām fasleñ ujaḌ chukī haiñ na hal bachā hai na bail baaqī
kisān girvī rakhā huā hai lagān paanī meñ bah rahā hai