Tags-Pani

vo āshnā mujhe paanī se kar ke lauT gayā
kisī bhī lahr meñ jis ne guhar nahīñ likkhā

yuuñ musalsal azaab jhelā hai
ashk lagne lage haiñ paanī se

jo tere pahlū par hai us gāgar se
izn mile to paanī piinā chāhtā huuñ

paanī ko bāzār banā kar
faujī ko auzār banā kar

peḌ miTTī dhuup paanī meñ adāvat ho ga.ī
phuul lagte hī sabhī bole samar merā bhī hai

daraḳht bhīge haiñ kal ke meñh se chaman chaman meñ bharā hai paanī
jo sair kiije to aaj sāhab ajab tarah kā hai baaġh ThanDā

ek surāḳh sā kashtī meñ huā chāhtā hai
sab asāsa mirā paanī meñ bahā chāhtā hai

regzār-e-lab ki har sū ug rahī hai tishnagī
aañkh meñ manzar uchhalte-kūdte paanī kā hai

barf-zār-e-jāñ kī tah meñ kholte paanī kā hai
jo bhī qissa hai lahū kī sho.ala-sāmānī kā hai

jis qadar piinā ho pī le paanī un ke haath se
āb-e-jannat to bahut hogā ye paanī phir kahāñ

bhare hue chashm-e-tar meñ aañsū jigar meñ bhaḌkī huī tap-e-ġham
ye aag hai aur ye hai paanī ye aag paanī hai aur ham haiñ

ġharīq-e-bahr-e-sitam na kyuuñ hoñ ye jāñ-fishānī hai aur ham haiñ
ki aap haiñ aap kī chhurī hai chhurī kā paanī hai aur ham haiñ

josh-e-junūñ ko koī bhī paimāna chāhiye
paanī ko ab to sar se guzar jaanā chāhiye

shahr meñ dariyā-dilī kī lan-tarānī aur hai
par mire panghaT se bahtā hai jo paanī aur hai

kanār-e-dariyā junūn-e-tūfāñ har ek gauhar kī aab maiñ huuñ
baġhair mere sabhī haiñ paanī ki maujoñ kā iztirāb maiñ huuñ

itnā hai khoT mere man meñ
paanī meñ duudh bilo rahā huuñ

tishnagī ḳhaak bujhe ashk kī tuġhyānī se
ain barsāt meñ bigḌe hai mazā paanī kā

aisī aag falak se barsegī ik din
ḳhaak havā paanī patthar jal jā.eñge

naav kāġhaz kī tan-e-ḳhākī-e-insāñ samjho
ġharq ho jā.eñgī chhīñTā jo paḌā paanī kā

aag havā aur miTTī paanī mil kar kaise rahte haiñ
dekh ke ḳhud ko hairāñ huuñ maiñ jaise ḳhvāb kahānī hai