Tags-Pani

maiñ gahre pāniyoñ ko chiir detā huuñ magar 'hasrat'
jahāñ paanī bahut kam ho vahāñ maiñ Duub jaatā huuñ

bahte paanī meñ jo sūrat Thahre
mere hone kī zamānat Thahre

aag paanī aur havā kuchh bhī nahīñ
sirf miTTī thī banā kuchh bhī nahīñ

paanī ko aag kah ke mukar jaanā chāhiye
palkoñ pe ashk ban ke Thahar jaanā chāhiye

jaadū hī ġhazab kā thā aks-e-ruḳh-e-zebā kā
kyuuñ aag na lag jaatī bahte hue paanī meñ

alfāz ke patthar kyā pheñke ga.e paanī meñ
tūfān sā barpā hai dariyā-e-ma.ānī meñ

tah-nashīñ maujoñ ke pahre saḳht kar detā hai qasr-e-āb par vo
ḳhuun paanī kar ke apnā pattharoñ kī oT se gauhar nikālo

sū-e-dariyā ḳhanda-zan vo yār-e-jānī phir gayā
motiyoñ kī aabrū par aaj paanī phir gayā

lab-e-dariyā pe dekh aa kar tamāshā aaj holī kā
bhañvar kaale ke daf baaje hai mauj ai yaar paanī meñ

jism par sābun thā paanī ġhusl-ḳhāne se gayā
aap kī mistake Thahrī maiñ nahāne se gayā

dard kā sāġhar bhī saaqī merī qismat meñ na thā
shauq meñ karnā paḌā āḳhir lahū paanī mujhe

kabhī muñh se āvāz hāthoñ se qismat aur āñkhoñ se pahlī masarrat kā paanī gire
to use mat uThānā

dard kī shiddat aur baḌhī thī shahr-e-vafā kī shāmoñ meñ
aur vīrānī baiTh ga.ī thī in akhiyoñ ke paanī meñ

sailāb-e-havādis bhī huā sharm se paanī
āñkhoñ se mirī ashk kuchh is shaan se barse

tishna-lab mar ga.e tire āshiq
na milī ek buuñd paanī kī

dekh kar aap mere ashkoñ kī
paanī paanī dur-e-ḳhush-āb huā

ḳhud se thā bair paanī meñ rah kar
ham ne mauj-e-nahañg uḌaa.ī thī

paanī nikal ke dasht meñ jaarī hai jā-ba-jā
yā-rab gayā hai kaun ye sar par uḌā ke ḳhaak

kisī chashm-e-hunar kī pāsbānī meñ nahīñ rahnā
sitāre ko ziyāda der paanī meñ nahīñ rahnā

paanī paanī vahīñ sharm se ho gayā