Tags-Partition

aisī taqsīm kī sūrat nikal aa.ī ghar meñ
dhuup ne hijr kī dīvār uThā.ī ghar meñ

band kar lete haiñ āvāra havā muTThī meñ
phir fazā meñ use taqsīm kiyā karte haiñ

maz.hab kī buniyād pe kyā taqsīm huī
ham-sāyoñ ne ham-sā.e hī lauTe the

ma.āl-e-jurm-e-taqsīm-e-vatan kyā kam thā rone ko
ki ab fikr-o-malāl-e-āshiyāñ tak baat jā pahuñchī

mire vajūd ko taqsīm kar diyā sab ne
zamīñ ke jism pe kuchh aise sānehe hue the

ye kis hisāb se kī tū ne raushnī taqsīm
sitāre mujh ko mile māhtāb us kā thā

fāsle taqsīm hī hote nahīñ jab
'sāz' phir kyā sust-rau kyā tez-tar hai

tum mire naam pe jī lenā maiñ tum par mar kar
jiine marne ke jo ādāb haiñ taqsīm kareñ

aao jo TuuTe hue ḳhvāb haiñ taqsīm kareñ
jis kī qismat meñ jo girdāb haiñ taqsīm kareñ

dast-e-hālāt pe maktūb sajā kar saare
ahd-e-māzī ke hasīñ baab haiñ taqsīm kareñ

vo nigāheñ bhī jo namnāk thiiñ vaqt-e-ruḳhsat
muntazir aur jo be-āb haiñ taqsīm kareñ

ḳhushk āñkhoñ meñ jo murjhā ga.e un kī kaliyāñ
aas ke phuul jo shādāb haiñ taqsīm kareñ

zaḳhm jis ne apne siine par liyā taqsīm kā
chaak jis ne apne hāthoñ se siyā taqsīm kā

maiñ ne zindagī ke peḌ se lipTe azhdahe ko
tiin barābar hissoñ meñ taqsīm kiyā

muḳhtalif ḳhākoñ meñ chhīñToñ kī tarah taqsīm haiñ
kyā ubhar kar sāmne aa.eñ kisī manzar meñ ham

abhī to nā-mukammal nazm kā ik āḳhirī misra kitāb-e-hijr meñ tahrīr karnā hai
ḳhas-o-ḳhāshāk-e-ġham aslāf meñ taqsīm ho jaa.eñ to sar se bojh utre

sunā hai hājī-bābā
apne shāgirdoñ ko chaar hissoñ meñ jab taqsīm karte to

rañj o ḳhushī kī sab meñ taqsīm hai munāsib
baabū jo hai to phir kyā chañgez hai to phir kyā

maiñ idhar 'aḳhlāq' kī taqsīm meñ masrūf thā
log udhar merī adā-e-kaj-kulāhī le ga.e