Tags-Parwana

qatra-e-ḳhūn-e-zaḳhm-e-parvāna
qashqa-e-tāza-e-jabīn-e-sham.a

soz-e-parvāna nūr-e-dīn-e-sham.a
tār-e-zunnār dil-nashīn-e-sham.a

roz-e-siyah meñ saath koī de to jāniye
jab tak faroġh-e-sham.a hai parvāna saath hai

gudāz-e-dil se parvāna huā ḳhaak
jiyā be-soz meñ to kyā jiyā ḳhaak

hādisa hai lekin aisā ġhair-ma.amūlī nahīñ
sham.a par parvāna jalne de koī parvāna kar

maiñ to huuñ sham-sifat-soz sarāpā 'shiblī'
jis ko jalnā nahīñ aatā ho vo parvāna bane

'sirāj' ab sho.ala-e-ulfat meñ jiyūñ parvāna jaltā hai
na jānūñ tujh satī is kuuñ lagī hai kyā lagan pyāre

thā dair-o-haram meñ kyā rakhā jis samt gayā Takrā ke phirā
kis parde ke pīchhe hai sho.ala andhā parvāna kyā jaane

niklī zabān-e-sham.a se kyā baat raat ko
sunte hī jis ko bazm meñ parvāna jal gayā

kuchh na dekhā phir ba-juz yak shola-e-pur-pech-o-tāb
sham.a tak to ham ne dekhā thā ki parvāna gayā

ġham us ko hasrat-e-parvāna kā hai ai sho.ale
tire larazne se zāhir hai nā-tavānī-e-sham.a

diid ke qābil tamāshā thā ye hañgām-e-sahar
sham.a kā har saañs mahv-e-mātam-e-parvāna thā

rañg laayā hai barā-e-dīda-e-anjām jo
sham.a har har zarra-e-ḳhāk-e-par-e-parvāna thā

tabāh-e-ishq haiñ bulbul chakor parvāna
rah-e-jahāñ meñ na sirf aadmī kī zaat luTī

ai sham.a ahl-e-bazm to baiThe hī rah ga.e
kahne kī thī jo baat vo parvāna kah gayā

roz-e-siyah meñ saath koī de to jāniye
jab tak faroġh-e-sham.a hai parvāna saath hai

agar sham.a hue to gal ga.e ham
jo parvāna hue to jal ga.e ham

ye soch kar ki shāyad parvāna-vār aao
afsurda sā charāġh-e-ġham-ḳhāna ho gayā maiñ

sho.ala-e-ġham jal uThā to bujh ga.e saare charāġh
ātish-e-dil gul huī to koī parvāna na thā

ālam-e-nūr tirī shakl kā parvāna hai
husn kī jaan hai tū aur hai jānāna-e-ishq