Tags-Phool

ḳhud-rav paude aañsū ke
phuul khilegā jañgal meñ

tere hoñToñ merī āñkhoñ se na badlī duniyā
phir vahī phuul khile phir vahī taare nikle

nikhar nikhar ke jo masmūm kar rahe haiñ fazā
kuchh aise phuul bhī 'aḳhtar' na.ī bahār meñ haiñ

hariyālī hai phuul hai phal hai
terī god sukh-manDal hai

hañse kyuuñ phuul saare khilkhilā kar
kisī ne kī hai in ko gudgudī kyā

chāhtā hai tū jo taz.īn-e-vafā
phuul lā kāñToñ kā gul-dasta nahīñ

jab tamannā.eñ muskurātī haiñ
phuul bantī haiñ aur mahaktī haiñ

'hafīz' apnā muqaddar 'hafīz' apnā nasīb
gire the phuul magar ham ne zaḳhm hī khaa.e

ghar to ik din ham ne bhī chhoḌā siddhārth kī tarah
phuul āñgan ke magar har sū nazar aane lage

khile the phuul zaḳhmoñ ke jo ik din
vo ab nāsūr hote jā rahe haiñ

ḳhaak se phuul nikalte haiñ mahaktā hai chaman
kyā zamīñ tabla-e-attār liye phirtī hai

bastī meñ ik phuul khilā
mahloñ mahloñ charchā hai

vo jo dekhe the maiñ ne kabhī ḳhvāb meñ
bah ga.e phuul saare vo sailāb meñ

khilnā har ek phuul kā 'asġhar' hai mo.ajaza
murjhātī hai kalī bhī bahāroñ ke darmiyāñ

kaise likhūñ maiñ chāñd ke qisse kaise likhūñ maiñ phuul kī baat
ret uḌaa.e garm havā to kaise maiñ barsāt likhūñ

mach rahe the chahchahe aur uḌ rahe the qahqahe
sāqī-o-sāġhar surāhī phuul itr-o-pān the

koī to phuul khilā.e duā ke lahje meñ
ajab tarah kī ghuTan hai havā ke lahje meñ

jism kāñToñ se guzartā hai guzar jaane do
ruuh vo phuul hai jis par na ḳhizāñ aa.egī

ham-safar ye tū ye maiñ ye taT ye jhiil
phuul vāreñ is anokhī shaam par

chhū ga.ī kāfir havā kis kī nigāh-e-garm se
phuul kumlāyā huā hai kuchh gul-e-ruḳhsār kā