Tags-Phool

khile jo ek darīche meñ aaj husn ke phuul
to sub.h jhuum ke gulzār ho ga.ī yak-sar

maiñ shāḳh-e-dil se uThātā thā phuul girye ke
adū kī aañkh meñ manzar vo tez aarī thī

jahāñ pe phuul the aur yaad bhī tumhārī thī
usī paḌāv pe ham ne thakan utārī thī

aag ugalte saañp kā shikva bejā hai
maiñ ne to bas apne phuul sambhāle jī

aap ne gholā zahar fazāoñ meñ lekin
ham ne phuul ugaa.e buuTe paale jī

dhueñ meñ Duube haiñ phuul taare charāġh jugnū chīnār kaise
na.ī rutoñ ke uḌan khaToloñ pe aa rahe haiñ savār kaise

ajiib āb-o-havā thī ajiib thī miTTī
so dil ke goshe meñ ik phuul be-misāl khilā

nigāheñ kāmiloñ par paḌ hī jaatī haiñ zamāne kī
kahīñ chhuptā hai 'akbar' phuul pattoñ meñ nihāñ ho kar

titlī aan ke us par baiThe
phuul bane hai saalā patthar

sūraj kī sat-rañgī kirneñ pyaas bujhāne aatī haiñ
sātoñ sakhiyāñ phūl-badan jab gañgā meñ ashnān kareñ

lab khulte hī phuul haiñ jhaḌte
kitnī pyārī un kī adā hai

yahī nā phuul se bichhḌe to āvāra hoñ sahrā meñ
kahūñ kyā kis ne ḳhushbūoñ kā ye anjām rakhā hai

shāḳh se gul jo gir paḌā dil se lagā ke rakh liyā
daur-e-ḳhizāñ bhī dekh luuñ phuul chune haiñ umr bhar

samā.ateñ phuul chun rahī haiñ
ki ḳhaak meñ lū kā isti.āra

ik umr numū kī ḳhvāhish meñ mausam ke jabr sahe to khulā
har ḳhushbū aam nahīñ hotī har phuul gulāb nahīñ hotā

suno
jin kī hañsī se is zamīñ par phuul khilte hoñ

tirā paañv shaam pe aa gayā thā ki chāñd thā
tirā hijr sub.h ko jal uThā thā ki phuul thā

saḌak par phuul ek aayā paḌā hai aur musāfir
ka.ī aise haiñ jin kā aanā jaanā rah gayā hai

harf nākām jahāñ hote haiñ un lamhoñ meñ
phuul khilte haiñ bahut baat ke sannāTe meñ

merī āñkhoñ meñ sadā khilte raheñ ashkoñ ke phuul
aur tire ma.asūm hoñToñ par duā yūñhī rahe