Tags-Phool

sub.h khiltā huā har phuul 'shamīm'
shaam aa.ī to bikhar jā.egā

Thahrā vahī nāyāb ki dāman meñ nahīñ thā
jo phuul chunā maiñ ne vo gulshan meñ nahīñ thā

mere laboñ ne vo lab bhī chūme haiñ jin meñ marg-e-girāñ nahīñ thī
vo phuul se lab ki jin kī tahdār pattiyoñ meñ

khilā hai phuul bahut roz meñ muqaddar kā
bas ab na band ho darvāza tere mandar kā

bigḌī baat banānā mushkil bigḌī baat banā.e kaun
kunj-e-tamannā vīrāna hai aa kar phuul khilā.e kaun

hamārī ḳhaak uḌ kar shāḳh se kartī hai sargoshī
uThā lo phuul ye shāyad havā ne hī girāyā ho

maiñ kitāboñ meñ rakhkhūñ ye fitrat nahīñ
phuul sūkhe hue be-zabāñ titliyāñ

vo chehra to chaman hai magar sāneha ye hai
us shāḳh-e-lab se phuul hī jhaḌtā nahīñ koī

havā kī god meñ mauj-e-sarāb bhī hogī
gireñge phuul to Thahregī gard shāḳhoñ par

mire junūñ ne khilā.e haiñ phuul sahrā meñ
mire junūñ se bahāroñ ko hausla to milā

ḳhvāb-lamha tirī ḳhushbū meñ basā thā pahle
be-ḳhabar niiñd meñ ik phuul khilā thā pahle

phuul gayā sūñgh maiñ tere badan kī so baas
ho ke tire paas jab mujh kane aayā sabā

vo sāmne bhī nahīñ phir bhī un kā shak kyuuñ hai
khilā nahīñ hai agar phuul to mahak kyuuñ hai

ishq ko aañkh meñ jalte dekhā
phuul ko aag meñ khilte dekhā

hai yahī dastūr duniyā aur yahī dekhā gayā
phuul se ḳhushbū nikalte hī use pheñkā gayā

sūraj se saa.e kī tavaqqo.a bādal se sunahrī dhuup kī
kāñToñ se mahakte phuul kī ḳhushbū sahrā se hariyālī kī

gulchīñ mumkin hai phuul toḌe
bulbul naala bhī jāntā ho

phuul kī misl sabhī daaġh mahakne lag jaa.eñ
kaash aisā bhī kahīñ tarz-e-masīhā.ī ho

farq kyā maqtal meñ aur gulzār meñ
Dhaal meñ haiñ phuul phal talvār meñ

sunā hai us ke badan kī tarāsh aisī hai
ki phuul apnī qabā.eñ katar ke dekhte haiñ