Tags-Aadmi

paañv meñ juutā nahīñ hai, peT meñ roTī nahīñ
le ke kyā chāTegā ḳhālī nek-nāmī aadmī

kyā dikhāte ho miyāñ, parcha hameñ aḳhbār kā
ham ne dekhe haiñ bahut naamī girāmī aadmī

bhiiḌ chhaT jā.egī tab us kī samajh meñ aa.egā
ek akelā aadmī hai azdahāmī aadmī

dil ki hai shīrāza-e-hastī havā kī zad pe hai
aadmī ai aadmī ai intizāmī aadmī

de rahe haiñ jis ko topoñ kī salāmī aadmī
kyā kahūñ tum se ki hai kitnā harāmī aadmī

qais sāhab kis liye bhaTkeñge najd-e-shauq meñ
mil hī jā.egā koī ham sā maqāmī aadmī

uTh ke jā baiThā vahī ashrāfiya kī god meñ
ham ġharīboñ ne jise samjhā avāmī aadmī

sunā rahā huuñ kisī aur ko kathā apnī
khaḌā huā hai koī aur aadmī mire saath

tamām shab dil-e-vahshī talāsh kartā hai
har ik sadā meñ tire harf-e-lutf kā āhañg

sadāqatoñ se nikhartā hai aadmī kā shu.ūr
sadāqatoñ ko samajhnā bahut hī mushkil hai

shaiḳh jazā-e-kār-e-ḳhair ye jo batā rahā hai aaj
baat to ḳhuub hai magar aadmī mo'tabar nahīñ

aadmī to nazar aa rahe haiñ
haañ magar ādamiyat kahāñ hai

yaqīñ banātā hai koī gumāñ banātā hai
jo aadmī hai alag dāstāñ banātā hai

kaheñ kyā mudda.ā apnā sunā.eñ rāz-e-dil kyuuñ kar
hamāre sāmne kuchh aadmī dushman ke baiThe haiñ

aadmī aur dard se nā-āshnā mumkin nahīñ
aks se ḳhālī ho koī ā.īna mumkin nahīñ

dekheñ qarīb se bhī to achchhā dikhā.ī de
ik aadmī to shahr meñ aisā dikhā.ī de

rāste jab band hote haiñ duāoñ ke liye
aadmī laḌtā hai jab jhūTe ḳhudāoñ ke liye

aam sā aadmī huuñ maiñ sāhib
sher hotā hai aam sā merā

idhar se gañgā ko jā rahe haiñ kuchh aadmī chhāgaleñ sambhāle
udhar se gañgā se aa rahī hai kuchh aurteñ nuur meñ nahā.e

aadmī saath nahīñ de saktā
tez hai saa.e kī raftār abhī