Tags-Aadmi

ta.alluqāt kī duniyā bhī aadmī ke liye
ik ajnabī sā tasavvur hai ajnabī ke liye

hazār sham.a farozāñ ho raushnī ke liye
nazar nahīñ to añdherā hai aadmī ke liye

aadmī TukḌoñ kī sūrat meñ huā hai muntashir
vahdat-e-fikr-o-nazar vaale bashar milte nahīñ

ham se huī ḳhatā to burā mānte ho kyuuñ
ham bhī to aadmī haiñ koī devtā nahīñ

ḳhūn-e-jigar kare hai dil ko lahū kare hai
ye daur aadmī ko yuuñ surḳh-rū kare hai

saikḌoñ nigle aadmī us ne
na bharā azhdar-e-zamīñ kā peT

aadmī aadmī kā dushman hai
jaane ho mehrbāñ ḳhudā kab tak

mujhe ḳhudā se nahīñ hai koī gila lekin
tum aadmī ho to phir aadmī kī had samho

us kī socheñ aur us kī guftugū merī tarah
vo sunahrā aadmī thā hū-ba-hū merī tarah

bhalā mujh se dev ke sāmne koī Thoñk sakte haiñ ḳham bhalā
are ye añgūThe se aadmī to bichāre ḳhud haiñ baTer se

aadmī to kyā vo kahtā hai nishān-e-pā se bhī
kyuuñ paḌā hai mere kūche meñ tirā kyā ghar nahīñ

jab us ne hī duniyā kā ye dīvān rachā hai
har aadmī pyārī sī ġhazal kyuuñ nahīñ hotā

kaise dāman bachāte duniyā se
aadmī muttaqī nahīñ the ham

dūsrā us ko mil gayā koī
āḳhirī aadmī nahīñ the ham

sub.h-dam chāñd kī ruḳhsatī kā samāñ
jis tarah bahr meñ Dūbtā aadmī

zindagī ḳhānqāh-e-shahūd-o-baqā
aur lauh-e-mazār-e-fanā aadmī

khul ga.e jannatoñ ke vahāñ zā.iche
do qadam jhuum kar jab chalā aadmī

aas kī mūrateñ pūjte pūjte
ek tasvīr sī ban gayā aadmī

haa.e taḳhlīq kī kār-pardāziyāñ
ḳhaak sī chiiz ko kah diyā aadmī

gūñjtī hī rahegī falak-dar-falak
hai mashiyyat kī aisī sadā aadmī