Collections

Lab Shayari

Motivational Ghazals

Best Khamoshi Shayari

More Collections

Tags-Akhbaar

uḌtī paḌtī huī be-kār sī afvāhoñ par
surḳhiyāñ oḌh ke aḳhbār nikal aate haiñ

qabr se qahr ke aasar nikal aate hain

us pe kal roTiyāñ lapeTe sab
kuchh bhī aḳhbār se nahīñ hotā

tir-o-talwar se nahin hota

terī ḳhabar mil jaatī thī
shahr meñ jab aḳhbār na the

ye bhi nahin bimar na the

so jaate haiñ fōtpath pe aḳhbār bichhā kar
mazdūr kabhī niiñd kī golī nahīñ khāte

so jate hain footpath pe aKHbar bichha kar

vahīñ vahīñ pe chaleñge ye tez ḳhanjar bhī
jahāñ jahāñ tirā aḳhbār chal rahā hogā

hansi hansi mein koi khel chal raha hoga

jo dil ko hai ḳhabar kahīñ miltī nahīñ ḳhabar
har sub.h ik azaab hai aḳhbār dekhnā

wahshat usi se phir bhi wahi yar dekhna

is mohalle meñ ik javāñ laḌkī
biich aḳhbār meñ ḳhabar jaise

jalti bujhti si rahguzar jaise

koī nahīñ jo patā de diloñ kī hālat kā
ki saare shahr ke aḳhbār haiñ ḳhabar ke baġhair

main sar chhupaun kahan saya-e-nazar ke baghair

is vaqt vahāñ kaun dhuāñ dekhne jaa.e
aḳhbār meñ paḌh leñge kahāñ aag lagī thī

paDhne bhi na pae the ki wo miT bhi gai thi

roz aḳhbār uThāte haiñ yahī soch ke ham
koī muzhda nazar aa.e to ḳhabar kī sūrat

ek muddat se nahin dekhi hai ghar ki surat

mushtahar kar diyā itnā tirī chāhat ne mujhe
naam ghar ghar meñ mirā sūrat-e-aḳhbār milā

shahr ka shahr harif-e-lab-o-ruKHsar mila

nāḳhudā dekh rahā hai ki maiñ girdāb meñ huuñ
aur jo pul pe khaḌe log haiñ aḳhbār se haiñ

peD ke patton mein halchal hai KHabar-dar se hain

mumkin nahīñ hai phir bhī maiñ ye chāhtā huuñ kyuuñ
aḳhbār par sulagte hue ghar sameT luuñ

uDte hue parindon ke shah-par sameT lun

roz-o-shab aḳhbār kī ḳhabroñ se bahlātā huuñ jī
ye samajhtā huuñ ki ab to raushnī ghar ghar huī

doston mein waqai ye bahs bhi aksar hui

kal shaam vo tanhā thā samundar ke kināre
kyā soch rahe ho koī aḳhbār to dekho

sahra mein koi saya-e-diwar to dekho

ḳhudā rakkhe america-o-rūs ko
miyāñ apnā aḳhbār chalne lagā

jahan-dar pe war chalne laga

kuchh harf o suḳhan pahle to aḳhbār meñ aayā
phir ishq mirā kūcha o bāzār meñ aayā

kuchh harf o suKHan pahle to aKHbar mein aaya

ḳhud-kushī qatl-garī hādisa dahshat-gardī
roz ik sog chalā aatā hai aḳhbār ke saath

raat bhar TuTe hue KHwab ke aazar ke sath

us kī mayyat meñ sabhī aḳhbār paḌh paḌh kar ga.e
'ḳhālid'-e-irfān shā.er thā bulāne se gayā

jism par sabun tha pani ghusl-KHane se gaya

paḌh ke hairāñ huuñ ḳhabar aḳhbār meñ
maiñ alif nañgā phirā bāzār meñ

paDh ke hairan hun KHabar aKHbar mein