Tags-Alam

yahāñ kī auratoñ ko ilm kī parvā nahīñ be-shak
magar ye shauharoñ se apne be-parvā nahīñ hotīñ

ilm-o-fikr-o-fan ke dar par
shohrat kī bas jhaag hai shāyad

vo jo ruḳhsat hue
jo añdheroñ meñ haq ke alam le ke nikle the

ilm zāhir aur bātin lāzim-o-malzūm haiñ
jo na samjhe us ko vo insān aadhā rah gayā

kabhī ai ilm o hunar ghar thā tumhārā dillī
ham ko bhūle ho to ghar bhuul na jaanā hargiz

ilm kā shauq ho dil meñ itnā
sabaq apnā na kabhī bhūleñ ham

ḳhudī ho ilm se mohkam to ġhairat-e-jibrīl
agar ho ishq se mohkam to sūr-e-isrāfīl

paḌhne vāloñ ke naam
vo jo as.hāb-e-tabal-o-alam

ġhurūr-e-ishq meñ ik inkisār-e-faqr bhī hai
ḳhamīda-sar haiñ vafā ko alam banāte hue

jis ne insāñ se mohabbat hī nahīñ kī 'tābish'
us ko kyā ilm ki pindār se aage kyā hai

jhuuT kā Dañkā bajtā thā jis vaqt 'jamīl' is nagrī meñ
har raste har moḌ pe ham ne sach ke alam lahrā.e haiñ

zarā sā ilm-o-hunar pā ga.e to kuchh kam-zarf
samajh rahe haiñ sabhī ko hī ahqar-o-ahmaq

nasīb paḌh ke mirā ilm-e-ġhaib kī devī
yaqīn jāniye behosh hone vaalī thī

marx ke ilm o fatānat kā nahīñ koī javāb
kaun us ke dark se hotā nahīñ hai faiz-yāb

sar pe DanDe paḌeñ hargiz na ye uftād aa.e
tālib-e-ilm na kartā huā fariyād aa.e

jehl ko ilm kā me.aar samajh lete haiñ
log saa.e ko bhī dīvār samajh lete haiñ

ho 'mus.hafī' tū ilm-e-ilāhī kā āshnā
qaid-e-anāsir aur mavālīd se nikal

tumheñ to ilm hai mere dil-e-vahshī ke zaḳhmoñ ko
tumhārā vasl marham hai kabhī milne chale aao

usī ke dam se thā raushan sipāh-e-shab kā alam
vo chāñd jis ko zamīñ meñ dabā diyā gayā hai

ali-mohsin ke māmūñ luT ke ambāla se jab lahore aa.e the
kalām-e-pāk alam aur sajda-gāheñ saath laa.e the