Tags-Alam

kamre meñ jo hañstī huī aa.ī mis-e-ra.anā
teacher ne kahā ilm kī aafat hai to ye hai

tajraboñ kī duniyā meñ ahl-e-ilm-o-hikmat ko
rif.ateñ milīñ 'farhat' fikr-o-fan ke zīnoñ se

'baḳhsh' sīkhā hai shahīdān-e-vafā se ham ne
haath kaT jaa.eñ alam muñh se uThā.e rakhnā

jin ke dāman meñ duāoñ ke ḳhazāne the bahut
vo saḳhāvat ke alam-dār kahāñ kho ga.e haiñ

ilm vaalo ye zarā paḌh ke batāo mujh ko
kyā ruḳh-e-gul pe ye shabnam se likhā hotā hai

ik baat kaheñge 'inshā'-jī tumheñ reḳhta kahte umr huī
tum ek jahāñ kā ilm paḌhe koī 'mīr' sā sher kahā tum ne

raqābat ilm o irfāñ meñ ġhalat-bīnī hai mimbar kī
ki vo hallāj kī suulī ko samjhā hai raqīb apnā

ab bhī buland-tar haiñ sipāh-e-ḳhudā ke sar
parcham hai ab bhī chob-e-alam par chaḌhā huā

sab rāstoñ kā ilm thā manzil qarīb thī
afsos ham-safar kā irāda na kar sake

baap se bachche ai 'mohsin' munharif hone lage
tarbiyat aur ilm ke fuqdān kā anjām hai

maz.hab kā ho kyūñkar ilm-o-amal dil hī nahīñ bhaa.ī ek taraf
cricket kī khilā.ī ek taraf collage kī paḌhā.ī ek taraf

tumhāre naam pe maiñ jal-bujhā to ilm huā
ki suud bantā hai kaise ziyāñ banāte hue

ye tamāshā-e-ilm-o-hunar dosto
kuchh nahīñ hai faqat kāġhzī vahm hai

shor hai dil meñ ġham ke nāloñ kā
alam uThte haiñ aaj hasrat ke

har lamha thā talāsh kī sadiyāñ liye hue
merī baqā kā raaz hī ilm-o-ḳhabar meñ thā

phir is ke ba.ad tambūr o alam nā-mo'tabar Thahre
koī qāsid na is shām-e-shikast-āsār tak aayā

ḳhabar tasavvur ḳhayāl īmāñ gumāñ yaqīñ fikr ilm hikmat
maqām-e-ḳhud-āgahī ke aage savād-e-kam-āgahī kī sūrat

ilm-o-hunar kā markaz hai aur shahr hai 'jaun'-o-'nāsir' kā
jab tak chāñd sitāre chamkeñ amroha ābād rahe

ilm-o-hunar se qaum ko raġhbat nahīñ rahī
is par shikāyateñ ki fazīlat nahīñ rahī

us kā kyā jurm mire hosh ga.e haiñ kaise
jo alam ġhair pe shamshīr kiye jaatā huuñ