Tags-Alam

ye aish-o-tarab ke matvāle be-kār kī bāteñ karte haiñ
paa.el ke ġhamoñ kā ilm nahīñ jhankār kī bāteñ karte haiñ

zaḳhm jin ko dete ho pattharoñ kī bārish se
pairahan se kyuuñ un ke phir alam banāte ho

ilm ke the bahut hijāb magar
husn kā sehr pur-fusūñ hī rahā

hameñ to ilm sikhāyā nahīñ hai thoñpā hai
hamāre ilmī ḳhazānoñ se ḳhuun bahtā hai

mujhe alam tere jamāl kā na ḳhabar hai tere jalāl kī
ye kalīm jaane ki tuur par tirī kaisī jalvagarī rahī

shāgird-e-rashīd aap sā huuñ shaiḳh-jī sāhib
kuchh ilm o amal tum ne na shaitān meñ chhoḌā

suḳhan ko na.ara qalam ko alam banāte hue
sukūt-e-hujra-e-fankār se nikal aayā

mahtāb-e-ilm sulgā gul-rez ma.arifat ke
kar jahal ko havā.ī ḳhush shabbarāt paayā

ai aah tū le to chal alam ko
tā āñsuoñ kī sipāh nikle

chalo ik aisī fazā kī ḳhātir
ham ek ho kar alam uThā.eñ

bayān ilm-e-ma.ānī fasāhat ilm-e-balāġh
bayān kar nahīñ sakte kisī kī ek hañsī

tashbīheñ pechīda kinā.e do-ālam ke razm-o-ilm
ġhaur se dekho kuchh bhī nahīñ us husn ke paikar se bāhar

ilm-e-safīna us ko tujhe ilm-e-sīna 'bahr'
tū pul par aur shaiḳh hai kāġhaz kī naav par

ye shauq-e-shahādat hai jo teġh us ne alam kī
gardan ko jhukā.e hue sayyād chale ham

ishq kī teġh-e-jigar-dār uḌā lī kis ne
ilm ke haath meñ ḳhālī hai niyām ai saaqī

kyoñ koī us pe Daale nazar ehtirām kī
kahlā.e ilm-o-fan meñ jo yaktā na mo'atabar

ilm-o-hunar mile haiñ magar tere sāmne
pahle bhī be-hunar the 'aman' ab bhī be-hunar

ye daur-e-ilm-o-hunar is ko paḌh nahīñ paayā
sahīfa dil kā mirā jaane kis zabān meñ thā

tumheñ kyā sunā.ūñ ab maiñ ġham-e-ishq kā fasāna
vahī qissa-e-alam hai vahī ġham kī dāstāñ he

ho gayā aaj se bas ilm-e-qiyāfa bātil
sādgī se ye khulā thā ki sitamgār nahīñ