Tags-Qabr

jab koī suntā na ho bolnā kyā
qabr meñ shor bapā kyā karnā

tū aur sirhānā DhūñD koī
is qabr kā patthar chhoḌ faqīr

apne adhūre vajūd ke saath
maiñ ne apnī aadhī qabr maañ kī kokh meñ banā.ī

hasad kī aag meñ jaltā hai ab tak
barastī hai adū kī qabr par aag

tumheñ to qabr kī miTTī bhī ab pukārtī hai
yahāñ ke log bhī uktā.e haiñ chale jaao

chand yādoñ kā shor thā mujh meñ
maiñ use qabr meñ utaar aayā

ye kyā ki dafn ho ga.e chup-chāp qabr meñ
marne ke ba.ad maut kā jalsa koī to ho

qabr meñ hūroñ ke aane kā uThā.eñ kyā lutf
diida o jism o dil o jaan o jigar kuchh bhī nahīñ

ho justujū meñ jis kī hai vo mazār kaisā
kyā apnī qabr kā tum lene surāġh nikle

fātiha paḌhne ko aa.e qabr-e-'ātish' par na yaar
do hī din meñ pās-e-ulfat is qadar jaatā rahā

zindagī meñ jo sukūñ se na kabhī sotā thā
oḌh kar aaj kafan qabr meñ sone aayā

nishān-e-qabr bhī chhoḌā nahīñ raqābat ne
kisī ko aise koī ḳhaak meñ milātā hai kyā

ye bhed hai ki na murde Dareñ farishtoñ se
banā ke qabr banāte haiñ qabr par ta.avīz

pas-e-fanā bhī mohabbat kā silsila na miTā
tire gale meñ hai aur merī qabr par ta.avīz

royā ki thā jahez tirā vājib-ul-adā
meñh motiyoñ kā qabr pe barsā ke aa gayā

zamīn khodeñ jinheñ banānī haiñ qabr-gāheñ
zamīn joteñ jinheñ ḳhazāna nikālnā hai

tum qabr meñ kyuuñ uTh baiThe 'sharaf' ārām karo ārām karo
yārān-e-vatan rote haiñ tumheñ kuchh hashr nahīñ kohrām nahīñ

sannāTe kā aalam qabr meñ hai hai ḳhvāb-e-adam ārām nahīñ
imkān-e-numūd-e-sub.h nahīñ ummīd-e-charāġh-e-shām nahīñ

vo qabr jaise makānoñ meñ kaise zinda haiñ
jinheñ kushāda gharoñ kī fazā na raas aa.ī

laa.e haiñ phuul ahl-e-mohabbat kī qabr par
kyā yaad aa gayā unheñ tark-e-jafā ke ba.ad