English
Favourite
Favourite
UrduShayarUrduShayar
Expand menu
Sign inAccount

Tags-Qasid

qāsid ye zabānī tirī bāteñ to sunī haiñ
tab jānūñ ki lā de mujhe tahrīr kisī kī
Ghazal
 zae nahin hoti kabhi tadbir kisi ki
hāl-e-dil sun ke bol uThā qāsid
yaad kis ko ye sab kitāb rahe
Ghazal
 is qadar aap ka itab rahe
qāsid kahe to hai tū pūchhe thā haal terā
tasdīq is kī lekin hove kahāñ se mujh ko
Ghazal
 shikwa na baKHt se hai ne aasman se mujhko
phaaḌ kar ḳhat us ne qāsid se kahā
koī paiġhām-e-zabānī aur hai
Sher
 phaD kar KHat usne qasid se kaha
saaf qāsid ko vaañ javāb milā
mere ḳhat kā yahī javāb milā
Ghazal
 saf qasid ko wan jawab mila
mazmūn-e-ḳhat usī se hai zāhir ki hogā kyā
qāsid kī jā jo ashk ko ham ne ravāñ kiyā
Ghazal
 us chashm ne ki tutiyon ko nukta-dan kiya
lagā ke paañv meñ us ke uḌā.ūñ qāsid ko
agar mujhe tire tausan kī gard-e-rāh mile
Ghazal
 bhala ho pir-e-mughan ka idhar nigah mile
silsila to kar qāsid us talak rasā.ī kā
dukh sahā nahīñ jaatā yaar kī judā.ī kā
Ghazal
 silsila to kar qasid us talak rasai ka
aah qāsid tū ab talak na phirā
dil dhaḌaktā hai kyā huā hogā
Ghazal
 us sitamgar se jo mila hoga
gayā thā kah ke ye qāsid ki ulTe paañv aatā huuñ
kahāñ kambaḳht jā kar mar rahā ab tak nahīñ aayā
Ghazal
 hamein pine-pilane ka maza ab tak nahin aaya
jo andar se nahīñ bāhar se ḳhad-o-ḳhāl manvā.e
par asal-e-ā.īna sūrat gañvā detā hai qāsid kī
Ghazal
 KHuda ne jis ko chaha usne bachche ki tarah zid ki
jo mere dil meñ thī us ne vahī tahrīr pahuñchā.ī
ab us se baḌh ke kyā tārīf ho saktī hai qāsid kī
Ghazal
 KHuda ne jis ko chaha usne bachche ki tarah zid ki
bargashta-baḳht dekh ki qāsid safar se maiñ
bhejā thā us ke paas so mere vatan gayā
Ghazal
 qabu KHizan se zoaf ka gulshan main ban gaya
tire qāsid ke ye afkār dil ko gudgudāte the
aur apne bholpan se mere jazboñ ko hañsāte the
Nazm
 nanha qasid
tirā nanhā sā qāsid jo tire ḳhat le kar aatā thā
na thā ma.alūm use kis tarah ke paiġhām laatā thā
Nazm
 nanha qasid
mirā ḳhat paḌh liyā us ne magar ye to batā qāsid
nazar aa.ī jabīñ par buuñd bhī koī pasīne kī
Sher
 mera KHat paDh liya usne magar ye to bata qasid
shān-e-taġhāful apne nau-ḳhat kī kyā likheñ ham
qāsid muā tab us ke muñh se javāb niklā
Ghazal
 wan wo to ghar se apne pi kar sharab nikla
mere liye bhī ḳhvāb the us ne rakhe hue kahīñ
shahr meñ un ko DhūñDne qāsid-e-be-hunar ga.e
Ghazal
 ai rah-e-hijr-e-nau-faroz dekh ki hum Thahar gae
javāb-e-nāma yā detā nahīñ yā qaid kartā hai
jo bhejā ham ne qāsid phir na paa.ī kuchh ḳhabar us kī
Sher
 jawab-e-nama ya deta nahin ya qaid karta hai
ham ḳhud bhī kamar bāñdh ke tayyār haiñ qāsid
kyā hogī tire paas ḳhabar is se ziyāda
Ghazal
 a zist hamein tang na kar is se ziyaada
Top Urdushayar.com