Tags-Qasid

pahne qāsid jab talak yak-bār sharh-e-ishtiyāq
le kar ai betāb dil kī iztirābī tū pahuñch

koī kah detā ki ab kaahe ko qāsid aa.e hai
zo.af se bīmār ko uTThā na baiThā jaa.e hai

alfāz na the āvāz na thī naama bhī na thā qāsid bhī na thā
aise bhī ka.ī paiġhām ga.e aise bhī ka.ī paiġhām aa.e

kyā jaane kyā vahāñ se laayā ḳhushī kā muzhda
phūlā nahīñ samātā qāsid jo pairahan meñ

koī din ko chale aur qāsid-e-umar
ye raat aur din meñ do manzil kare hai

kal munj vazīr dil the qāsid bashārat aayā
yā hazrat-e-sulaimāñ kan the ishārat aayā

naama ki to kyā jagah ki qāsid
laayā hī na yaañ salām us kā

paḌh ke qāsid ḳhat mirā us bad-zabāñ ne kyā kahā
kyā kahā phir kah but-e-nā-mehrbāñ ne kyā kahā

nahīñ hai mohr lifāfa pe ḳhat ke ai qāsid
ye daaġh hai mirī qismat kī nā-rasā.ī kā

ne qāsid-e-ḳhayāl na paik-e-nazar gayā
un tak maiñ apnī aap hī le kar ḳhabar gayā

ishq detā hai ḳhud ḳhabar apnī
le ke qāsid ḳhabar nahīñ aatā

dīvār surḳh ḳhuun se dekhī patā milā
qāsid Thahar gayā dar-e-jānāñ ke sāmne

jo ḳhauf tūfān-e-ashk se ab nahīñ hai jaatā na jaa.e qāsid
ravāñ karūñ sū-e-yār-e-jānī ḳhatoñ kī nāveñ banā banā kar

pahle qāsid kī nazar dekh ke dil sahm gayā
phir tirī surḳhi-e-tahrīr pe ronā aayā

qāsid nahīñ ye kaam tirā apnī raah le
us kā payām dil ke sivā kaun lā sake

paḌhūñgā pīchhe naama meñ ḳhudā ke vāste qāsid
ye kah avval ki yaañ tak vo kisī unvān āvegā

bas ab tamām huā intizār qāsid kā
ki zindagī kī taraf se hameñ javāb aayā

qāsid-o-nāma-o-paiġhām kī mat kah ki sabā
ab to vaañ se nahīñ aatī dil-e-mahjūr talak

baiThe haiñ koī qāsid-e-yār aa.e idhar bhī
muddat huī maktūb tumhāre nahīñ milte

us ke dar tak pahuñch gayā qāsid
aage taqdīr kī rasā.ī hai