English
Favourite
Favourite
UrduShayarUrduShayar
Expand menu
Sign inAccount

Tags-Qatil

ye nahīñ sochte qātil bhī to ho sakte haiñ
chāñd ke bhes meñ tārīk se bad-tar chehre
Ghazal
 kam hi hote hain muqaddar ke sikandar chehre
daur-e-hayāt aa.egā qātil qazā ke ba.ad
hai ibtidā hamārī tirī intihā ke ba.ad
Ghazal
 daur-e-hayat aaega qatil qaza ke baad
qātil ne qatl bhī jo subuk jaan kar kiyā
lāsha ba-rañg-e-rūh subuk-bār ho gayā
Ghazal
 darwesh qaid-e-gham mein dil-e-zar ho gaya
qātil jo gul khilāne lagā shāḳh-e-teġh se
maqtal bhī dam meñ taḳhta-e-gulzār ho gayā
Ghazal
 darwesh qaid-e-gham mein dil-e-zar ho gaya
bhāgā gayā na laash pe ġhash khā ke gir paḌā
qātil ye mere ḳhuuñ meñ giraftār ho gayā
Ghazal
 darwesh qaid-e-gham mein dil-e-zar ho gaya
qatl kar ke mujh ko be-rahmī ke saath
ghar talak rotā huā qātil gayā
Ghazal
 zaKHm-e-dil ab phul ban kar khil gaya
hashr meñ vo sar jhukā.e haiñ maiñ shikva kyā karūñ
jaane vaalī jaan thī merā koī qātil na thā
Ghazal
 ek maqtul-e-jafa do zulm ke qabil na tha
qātil adā-e-shukr ko yā shikvoñ ke liye
jo zaḳhm jism par huā goyā dahan huā
Ghazal
 hum ko shab-e-visal bhi ranj-o-mehan hua
maqtūl kī jabīñ pe hai qātil likhā huā
kyā faisla ho kal sar-e-darbār dekhnā
Ghazal
 har be-KHata hai aaj KHata-kar dekhna
majāl kyā hai jo luuñ naam apne qātil kā
tumhīñ pe log magar ishtibāh karte haiñ
Ghazal
 jo chaar aadamiyon mein gunah karte hain
be-gunāhī jurm thā apnā so is koshish meñ huuñ
sruḳh-rū maiñ bhī rahūñ qātil bhī sharminda na ho
Ghazal
 haal mein apne magan ho fikr-e-ainda na ho
ye chhīñTeñ ḳhuun kī kaafī haiñ mere baḳhshavāne ko
nazar aatī hai jannat vus.at-e-dāmān-e-qātil meñ
Ghazal
 bhaDak uTThenge shoale ek din duniya ki mahfil mein
abad tak kaukab-e-baḳht-e-sa.ādat ban ke chamkeñge
hue haiñ jazb jo qatre lahū ke teġh-e-qātil meñ
Ghazal
 bhaDak uTThenge shoale ek din duniya ki mahfil mein
phir chāhtā huuñ ḳhanjar-e-qātil se irtibāt
dushvārī-e-hayāt ko āsāñ kiye hue
Ghazal
 kaun aaya gesuon ko pareshan kiye hue
jab kushta-e-ulfat ko uThāyā to alam se
bas hil ga.ī us qātil-e-maġhrūr kī gardan
Ghazal
 toDunga KHum-e-baada-e-angur ki gardan
haa.e 'bāsit' ye mire ḳhūn-e-tamannā kā asar
aur bhī rañgīn kuchh dāmān-e-qātil ho gayā
Ghazal
 un ka barbaad-e-karam kahne ke qabil ho gaya
dil tujhe apnī hai gar jaan aziiz
kū-e-qātil meñ na jaanā hargiz
Ghazal
 dil buton se na lagana hargiz
hadaf-e-tīr nigāh-e-qātil
murġh-e-dil ko na banānā hargiz
Ghazal
 dil buton se na lagana hargiz
sad-shukr bujh ga.ī tirī talvār kī havas
qātil yahī thī tere gunahgār kī havas
Ghazal
 sad-shukr bujh gai teri talwar ki hawas
badalte mausamoñ ko ḳhuuñ se rañgīñ pairahan de kar
chalo ham dast-e-qātil kā har ik ehsāñ utaar aa.e
Ghazal
 wo mausam be-KHudi ke the jo mausam hum guzar aae
Top Urdushayar.com