Tags-Qatil

husn-e-ma.asūm ko mausūm kareñ qātil se
aur qātil ko zamāne kā masīhā likkheñ

teġh-e-sitam se merā jo ḳhūñ-bahā diyā hai
qātil ne mere dil kā ye ḳhūñ-bahā diyā hai

bāñdh kar teġh o kafan jaate haiñ us qātil ke paas
ham bhī dekheñ rokne vaalā hamārā kaun hai

himmat-e-qātil baḌhānā chāhiye
zer-e-ḳhanjar muskurānā chāhiye

khiltā hai us ke jism pe qātil kā bhī libās
kyā aib DhūñDhtā koī us jāma-zeb meñ

har mauj-e-balā ik sāhil hai girdāb hī apnā hāsil hai
ye kashti-e-dil vo qātil hai mañjhdār nahīñ to kuchh bhī nahīñ

shaiḳh qātil ko masīhā kah ga.e
mohtaram kī baat ko jhuTlā.eñ kyā

chāhiye pairahan-e-dāman-e-teġh o qātil
tere ḳhanjar kā hai darkār garebāñ mujh ko

tannāz hañsī masmūm nazar ye kaisī fazā-e-ulfat hai
dekheñ is daur ke shām-o-sahar kab tak raheñ narġha-e-qātil meñ

vahī qātil vahī munsif adālat us kī vo shāhid
bahut se faisloñ meñ ab taraf-dārī bhī hotī hai

apne qātil kī zehānat se pareshān huuñ maiñ
roz ik maut na.e tarz kī ījād kare

barchhī kī tarah dil meñ khaTaktī haiñ adā.eñ
andāz jo qātil dam-e-raftār hai terā

afsāna mohabbat kā puurā ho to kaise ho
kuchh hai dil-e-qātil tak kuchh hai dil-e-bismil tak

qatl se āshiq ke tū ne ab to khaa.ī hai qasam
āḳhir ai qātil ye bāteñ pesh-pā-uftāda haiñ

pahnā kafan to kūcha-e-qātil meñ paa.ī raah
ka.aba meñ mujh ko jāma-e-ehrām le gayā

asar-e-zo.af se huuñ qatra-e-ashk-e-ḳhūnī
rahm kar de kafan-e-dāman-e-qātil mujh ko

jaan us ne ḳhushī se de Daalī
us kā qātil bhī ḳhaas hai shāyad

fihrist marne vāloñ kī qātil ke paas hai
maiñ apne hī mazār meñ huuñ bhī nahīñ bhī huuñ

ye sach hai yā ġhalat ham ne sunā hai marne vāloñ se
tire ḳhanjar meñ qātil chashma-e-haivāñ kā paanī hai

aa.ī kyā jī meñ teġh-e-qātil ke
ki judā ho ga.ī gale mil ke