Tags-Qatil

justujū qātil kī lā-hāsil nahīñ
tan mirā fikr-e-subukdoshī meñ hai

raushan thī sub.h tak mire madfan pe sham-e-tūr
royā khaḌe khaḌe mirā qātil tamām raat

thā najm-e-baḳht-tīra muqābil tamām raat
āñkhoñ tale phirā mire qātil tamām raat

apne haq meñ mā.il-e-lutf-o-karam qātil hai aaj
har adā-e-ḳhashmagīñ himmat fazā-e-dil hai aaj

qahr Dhātā rahā jo husn-e-jānāñ
bahut afsos vo qātil nahīñ ab

barsoñ paḌh kar sarkash rah kar zaḳhmī ho kar samjhā maiñ
har kūcha hai kūcha-e-qātil zaḳhmī ho kar sambhlā maiñ

shahr ke aa.iin meñ ye mad bhī likkhī jā.egī
zinda rahnā ho to qātil kī sifārish chāhiye

ḳhizāñ kī raat ke qātil kahāñ ga.e dekheñ
ki jo lahū hai charāġh-e-bahār kī lau hai

aisī manzil par mujhe pahuñchā diyā hai ishq ne
merā jo qātil hai us ko bhī duā detā huuñ maiñ

qātil nigah kuuñ pūchhte kyā ho ki kyā kaho
ḳhanjar kaho kaTār kaho nīmchā kaho

zamīñ ke siine se aur āstīn-e-qātil se
gulū-e-kushta se behis zabān-e-ḳhanjar se

chamak ke kūcha-e-qātil meñ neze kyā karte
ki josh-e-ḳhūñ thā hamāre qalam uThāne meñ

mere liye qātil bhī agar hove to hove
par ġhair ke haq meñ to vo jallād na hove

kisī ke ḳhūn-e-nāhaq kī hai surḳhī
rañgeñgī dast-e-qātil ko hinā ḳhaak

vāsta dast-e-nigārīñ kā tujhe ai qātil
ek surḳhī kī kamī hai mire afsāne meñ

har galī kūcha-e-qātil hai dil-e-īzā-talab
koī mushkil ho to āsān banā.ūñ us ko

pūchhne vaale bharī bazm meñ qātil ko na pūchh
naam terā hī agar le liyā saudā.ī ne

shab-e-ġham meñ bhī merī saḳht-jānī ko na maut aa.ī
tirā kaam ai ajal ab ḳhanjar-e-qātil se niklegā

is qadar ġham hai mere qātil ko
jis qadar maiñ huuñ imtihān se ḳhush