Tags-Qatil

maiñ dhīre dhīre un kā dushman-e-jāñ bantā jaatā huuñ
vo āñkheñ kitnī qātil haiñ vo chehra kaisā lagtā hai

qātil ko ye samjhā de koī naale se fuġhāñ se shevan se
bismil na karūñ maiñ ai 'bismil' to bismil merā naam nahīñ

zarā sī der meñ saarā fasāna likh ga.e qātil
banā.ī barsoñ kī buniyād pe jhagḌā nikal aayā

zaḳhm milte haiñ ilāj-e-zaḳhm-e-dil miltā nahīñ
vaz-e-qātil rah ga.ī rasm-e-masīhā.ī ga.ī

biphrā huā badan kisī qātil se kam na thā
ham bhī vufūr-e-shauq meñ talvār ho ga.e

aql būjhā āshiqāñ sab vājibuttāzīr haiñ
qātil-e-aql-o-fahm hai ishq kā jallād shoḳh

mar ga.e lākhoñ galā ḳhud kaaT kar
allāh allāh teġh-e-qātil kā nafāz

aap ke dil kā mire dil kā nafāz
kyā kare maqtūl-o-qātil kā nafāz

jaan dete haiñ shahādat kī tamannā meñ ġharīb
lab-e-qātil pe ye jaarī hai sadā mere ba.ad

zab.h ke vaqt bhī qātil ko duā.eñ dī haiñ
qatre qatre se Tapaktī hai vafā mere ba.ad

ishq-e-ġhārat-gar ne shah dī husn-e-āfat-ḳhez ko
shauq-e-bismil hī se kas-bal bāzū-e-qātil meñ hai

garm-ḳhvābī ne tirī zab.h kiyā ai qātil
ek dam bhī na kalejā huā ThanDā apnā

apne qātil kī ma.asūm nigāhoñ se
dil kā har ik zaḳhm chhupānā paḌtā hai

pyaar kā yuuñ dastūr nibhānā paḌtā hai
qātil ko siine se lagānā paḌtā hai

ahl-e-mahshar dekh luuñ qātil ko to pahchān luuñ
bholī-bhālī shakl thī aur kuchh bhalā sā naam thā

is darja pashemāñ mirā qātil hai ki us se
mahshar meñ mire sāmne aayā nahīñ jaatā

utārā ḳhuun ke dariyā se hogā sarfaroshoñ kā
banegī teġh kashtī aur qātil nāḳhudā hogā

sūraj ke qātil
dhuup señkne kahāñ jā.egī

zab.h kar ke mujhe nādim ye huā vo qātil
haath meñ phir kabhī ḳhanjar na liyā mere ba.ad

maqtal-e-shauq ke ādāb nirāle haiñ bahut
dil bhī qātil ko diyā karte haiñ sar se pahle