Tags-Raat

chamaktī hai añdheroñ meñ ḳhamoshī
sitāre TūTte haiñ raat hī meñ

bastī meñ hai vo sannāTā jañgal maat lage
shaam Dhale bhī ghar pahuñchūñ to aadhī raat lage

ai mire armān-e-dil bas ik zarā kuchh aur sabr
raat abhī kaTne ko hai milne ko bhī hai yaar abhī

barakat de din pherne vaalī duāoñ ko
raat ko koī ḳhush-tābīr kahānī de

rahte nahīñ ho ban ga.e 'mīr' us galī meñ raat
kuchh raah bhī nikālo sag-o-pāsbāñ se tum

aaj kī raat
ik shaḳhs tanhā

aaj kī raat
kis ajnabī mezbāñ se

aaj kī raat
apne faletoñ se dekho

jo bhī hai sūrat-e-hālāt kaho chup na raho
raat agar hai to use raat kaho chup na raho

raat amāvas kī thī maiñ ne
nāg-phanī ke ik kāñTe par

vasl kī raat ham-nashīñ kyūñki kaTī na pūchh kuchh
barsar-e-sulh meñ rahā us pe bhī vo laḌā kiyā

thī sard yaad kī havā maiñ dasht meñ thā maazī ke
na pūchhiye janāb maiñ ne kaise raat paar kī

rāt-bhar rahiye mire hamrāh nīñdoñ kī tarah
din chaḌhe to lazzat-e-āvārgī ban jā.iye

raat ke saath 'asar' lauT ke ghar jaatā hai
rāsta dekh rahā hogā darīcha apnā

maiñ sotā rahtā huuñ aur jaane kab ḳhudā merā
añdherī raat ko sūraj meñ Dhaal detā hai

kyā huā kyuuñ huā kis liye kyā ḳhabar jo huā so huā tū use bhuul jā
jaag kar raat bhar ho ga.ī hai sahar ab na ḳhud ko jalā tū use bhuul jā

raat kī baat thī phir sahar ho ga.ī vaqt chaltā rahā dopahar ho ga.ī
shaam aane ko hai raat chhāne ko hai bikhre sapne uThā tū use bhuul jā

kaliyoñ ko nishān-e-rah dikhā kar
mahkī huī raat Dhal rahī thī

reza reza raat bhar jo ḳhauf se hotā rahā
din ko sāñsoñ par abhī tak bojh us patthar kā hai

hayāt raqs meñ hai kā.enāt raqs meñ hai
charāġh-e-bāda jalāo ki raat raqs meñ hai