Tags-Raat

ye jo lambī raat hai yaaro
kuchh hī din kī baat hai yaaro

ab kahāñ vo pahlī sī fursateñ mayassar haiñ
saarā din safar karnā saarī raat ġham karnā

kahīñ vo raat bhī mahkī huī hai
kahīñ vo chāñd bhī chamkā huā hai

safar kī raat hai 'nāsir' diloñ meñ
ajab ik dard sā Thahrā huā hai

bachche fareb khā ke chatā.ī pe so ga.e
ik maañ ubāltī rahī pathar tamām raat

so ke raat kaaTī hai be-kasī ke pahlū meñ
chāñdnī ne dekhā hai mere ghar samāñ apnā

phir dar-o-bām pe qindīl saje bhī to kyā
zau-shikan raat kā sāmān liye baiThe haiñ

ham 'rind' haiñ bazm apnī kis raat
be-jām-e-mai o gazak rahī hai

yaad un kī satātī rahī rāt-bhar
aañkh aañsū bahātī rahī rāt-bhar

ek ma.asūm man mohnī sī sadā
dil pe dastak lagātī rahī rāt-bhar

ek talvār siine pe chaltī rahī
ik ḳhalish gudgudātī rahī rāt-bhar

raat Dhaltī rahī ham sisakte rahe
sham.a aañsū bahātī rahī rāt-bhar

na qaid-e-shar.a baaqī hai na āzādī kī hai kuchh had
nahīñ kuchh guftugū is baab meñ ye nek hai yā bad

'azīz-qaisī' kahāñ rahe to ki raat us but kī anjuman meñ
hujūm-e-naġhma meñ zikr sun kar kisī divāne kā ro paḌe ham

TuuTā koī sitārā thā yā ḳhvāb-e-ārzū
taa.ir qafas meñ raat bahut be-qarār thā

aaj na jaane raaz ye kyā hai
hijr kī raat aur itnī raushan

raat ḳhvāboñ ne pareshāñ kar diyā
sub.h ā.īñe ne hairāñ kar diyā

na-jāne dosh pe kis ko uThā ke raat ga.e
tabīb-e-shahr kā dar khaTkhaTā rahī thī havā

kashtī-e-sabr-o-tahammul merī tūfānī huī
raat ko terā badan jab mauj-e-dariyā ho gayā

mujhe nādim kiyā kal raat darvāze ne ye kah kar
sharīf insān ghar se der tak bāhar nahīñ rahte