Collections

Lab Shayari

Motivational Ghazals

Best Khamoshi Shayari

More Collections

Tags-Raat

hūreñ gale lipaTtī haiñ aa aa ke raat din
jannat kī raah kūcha-e-āġhosh ho gayā

jab ham-baghal wo sarw qaba posh ho gaya

'tābāñ' tire firāq meñ sar ko paTaktā raat din
phirtā hai misl-e-mahr-o-māh ḳhāna-ba-ḳhāna kū-ba-kū

shab ko phire wo rashk-e-mah KHana-ba-KHana ku-ba-ku

maanā ki un se raat kā va.ada hai ai 'qamar'
kaise vo aa sakeñge agar chāñdnī huī

barish mein ahd toD ke gar mai-kashi hui

bosa-e-gesū se haiñ chīñ-ba-jabīñ
rāt-bhar kyā sargirānī jā.egī

hogi wo dil mein jo Thani jaegi

raat ko din kahā nahīñ jaatā
yuuñ to suulī chaḌhā nahīñ jaatā

raat ko din kaha nahin jata

ye tanhā raat ye gahrī fazā.eñ
use DhūñDeñ ki us ko bhuul jaa.eñ

ye tanha raat ye gahri fazaen

nazar nazar ko sāqī-e-hayāt kahte aa.e haiñ
un añkhḌiyoñ ko mai-kade kī raat kahte aa.e haiñ

nazar nazar ko saqi-e-hayat kahte aae hain

fareb-e-shauq ko taḳhaiyyulāt kahte aa.e haiñ
bikhar ga.e to gesuoñ ko raat kahte aa.e haiñ

nazar nazar ko saqi-e-hayat kahte aae hain

sukūn o ḳhvāb zindagī kī raah meñ kahāñ 'nushūr'
hayāt ko musāfirat kī raat kahte aa.e haiñ

nazar nazar ko saqi-e-hayat kahte aae hain

āñkheñ chehre chāñd sitāre raat hī raat
darvāze dīvār darīche ḳhvāb hī ḳhvāb

andar bahar upar niche KHwab hi KHwab

mauj-e-ḳhūñ sar se guzar jā.egī jis raat mire
rañg-e-pairāhan-e-shab aur bhī gahrā hogā

dashna-e-dard har ek sans mein Thahra hoga

bol collar chhoḌ deñ mere charāġhoñ kī ai raat
varna jo pāgal havā.eñ haiñ tirī pachhtā.eñgī

dhire dhire qabr ke andar talak pahunchaegi

kal mire shahr meñ ik zulm kuchh aisā bhī huā
raat bhar ġhairat-e-fankār ne sone na diyā

fan ki aur zat ki paikar ne sone na diya

kyā musībat hai ki har din kī mashaqqat ke evaz
bāñdh jaatā hai koī raat kā patthar mujh se

kya musibat hai ki har din ki mashaqqat ke ewaz

jaise koī rotā hai gale pyaar se lag kar
kal raat maiñ royā tirī dīvār se lag kar

jaise koi rota hai gale pyar se lag kar

adab kī mahfil-e-rañgīñ meñ rāt-din 'fāriġh'
mire fasāne hī akasr sunā.e jaate haiñ

meri judai mein aansu bahae jate hain

raat itnī jā chukī hai aur sonā hai abhī
is nagar meñ ik ḳhushī kā ḳhvāb bonā hai abhī

raat itni ja chuki hai aur sona hai abhi

qaidī raat ko bhāgne vaalā hai 'tābish'
us ne ḳhvāb meñ ḳhufiya rasta dekhā hai

kuchh ne aankhen kuchh ne chehra dekha hai

tū bhī sūraj hai apnī hastī kā
tujh ko ma.alūm kyā ho raat kā ġham

wo jo karte the baat baat ka gham

vo payambar haiñ apnī rātoñ ke
jin pe utrā hai chāñd-rāt kā ġham

wo jo karte the baat baat ka gham