Tags-Raat

idhar na aao ab is shahar meñ ujāloñ ke
vo tīrgī hai ki din ko bhī raat samjhoge

ai rashk-e-māh raat ko muTThī na kholnā
mehñdī kā chor haath se jaa.e na chhūT ke

afshāñ jo chhūTī aap ke māthe se raat ko
taare gire zamīñ par ai maah TuuT ke

hai merī raat meñ ab niiñd terī
ham ik duuje meñ yuuñ kho.e hue haiñ

shāyad ki mar gayā tire ruḳhsār dekh kar
paimāna raat maah kā labrez-e-nūr thā

udhar pichhle se ahl-e-māl-o-zar par raat bhārī hai
idhar bedārī-e-jamhūr kā andāz bhī badlā

sitāre jāgte haiñ raat laT chhaTkā.e sotī hai
dabe paañv kisī ne aa ke ḳhvāb-e-zindagī badlā

raat darīche tak aa kar ruk jaatī hai
band āñkhoñ meñ us kā chehra rahtā hai

chor hai dil meñ kuchh na kuchh yaaro
niind phir raat bhar na aa.ī aaj

ga.e dinoñ ke fasāne sunā rahī hai mujhe
ye raat aur bhī pāgal banā rahī hai mujhe

tum to kahte the ki sab qaidī rihā.ī pā ga.e
phir pas-e-dīvār-e-zindāñ rāt-bhar rotā hai kaun

kitne jhelūñ azaab raat aur din
zehn bhī ab thakā sā rahtā hai

ik mire ham-kanār kī mujh se qarīb aa ke raat
ḳhema-e-dard ho ga.ī qurb ke valvale ga.e

ai ruḳh-e-tāza-jahāñ raat to ab bhī hai garāñ
sham-e-hazār-rañg tak yuuñ tire silsile ga.e

is dafa ke mausam-e-barsāt meñ
ek ThanDī ghup añdherī raat meñ

kiyā thā raat tasavvur meñ jis ne qasd-e-farār
vo sub.h pā-ba-girafta sahar kī qaid meñ thā

jis ghaḌī rāh-e-pur-ḳhār maiñ ne chunī saath us ne bhī azm-e-safar kar liyā
sub.h sūraj nikalne se pahle chale, jis jagah ho ga.ī raat ghar kar liyā

guzrī hai raat mujh meñ aur dil meñ turfa sohbat
īdhar to maiñ ne kī aah ūdhar se vo karāhā

raat meñ dhunkā huā sūraj paḌā thā
din meñ 'mājid' dhuup kaalī ho ga.ī hai

maiñ raat TuuT ke royā to chain se soyā
ki dil kā zahr mirī chashm-e-tar se niklā thā