Tags-Raat

ek ham haiñ raat bhar karvaT badalte hī kaTī
ek vo haiñ din chaḌhe tak jin kā dar khultā nahīñ

chāñdnī-rāt kī mahkī huī tanhā.ī meñ
sāz-e-ġham par koī gaatā hai to ro lete haiñ

tire ḳhayāl meñ din-rāt mast rahtā huuñ
ye bandagī jo nahīñ hai to bandagī kyā hai

zabāñ zabāñ pe shor thā ki raat ḳhatm ho ga.ī
yahāñ sahar kī aas meñ hayāt ḳhatm ho ga.ī

hasīn ḳhvāb agar dil meñ ghar nahīñ kartā
tavīl raat se maiñ dar-guzar nahīñ kartā

diyā umiid kā tū har ghaḌī jalā.e rakh
har ek raat kī kyā rab sahar nahīñ kartā

utartī raat ke ziine se lag kar sochtā huuñ
sub.h jab hogī

vo raat kā tūl-tavīl safar kyā kahiye kaise aa.ī sahar
kuchh maiñ ne qissa chheḌā thā kuchh us ne aas bañdhā.ī thī

vo raat ki jis ke kināroñ par ham milte aur bichhaḌte the
ik baar mujhe tanhā pā kar us kī bhī aañkh bhar aa.ī thī

taaq thā ḳhvāb thā tanhā.ī thī tārīkī thī
raat ne sirf charāġhoñ ko chhupā.e rakkhā

jidhar bhī jā.ūñ maiñ raste pukār uThte haiñ
azaab raat kā hargiz na Talne vaalā hai

sahar bhī hogī nasīm-e-sahar bhī gā.egī
magar ye raat mohabbat charāġh zahr ke jaam

kyuuñ chhoḌ deñ na shaam se pahle hī terā shahar
tujh se bichhaḌ ke raat basar kis liye kareñ

kis ke liye charāġh jalā.eñ tamām raat
'nāsik' phir ehtimām-e-sahar kis liye kareñ

'anjum'-e-soḳhta-jāñ ko hai ḳhushī kī ummīd
raat meñ jaise kabhī rañg-e-sahar hotā hai

huā hai qatl bedārī kā jab se
ye bastī raat din soī paḌī hai

aur maiñ chāñdnī raat meñ so gayā
dekhtā kyā huuñ

kaise haiñ mere aqrabā kaisī huuñ maiñ patā nahīñ
bāteñ haiñ ḳhud se raat din bhūle tamām naam haiñ

raat ko jism se chipkātī huī sard havā
jism ke band masāmoñ meñ utartī ThanDak

jhulse badan na sulgeñ āñkheñ aise haiñ din-rāt mire
kaash kabhī tum aa jaao badle haiñ hālāt mire