Tags-Raat

use bhī raat ga.e be-charāġh honā hai
hameñ bhī chauk meñ kuchh intizār karnā hai

terī āñkhoñ ke liye itnī sazā kaafī hai
aaj kī raat mujhe ḳhvāb meñ rotā huā dekh

ab to hameñ ik sher kā honā bhī nā-mumkin lagtā hai
ab to din kī niilī jhiil meñ raat ke taare Duub ga.e

dil kā mo.āmla vahī mahshar vahī rahā
ab ke baras bhī raat kā muntazir vahī rahā

raat aa.ī hai balāoñ se rihā.ī degī
ab na dīvār na zanjīr dikhā.ī degī

jagā.e koī sūraj sub.h-e-nau kā
purānī raat sadiyoñ so chukī huuñ

hamārā dil bhī hai vīrāñ haveliyoñ kī tarah
tamām raat yahāñ koī aah bhartā hai

vaqt kī tarah tire haath se nikle hue haiñ
ham sitāre haiñ magar raat se nikle hue haiñ

ye raat ye TūTtī umīdeñ
allāh ye kārvāñ Thahar jaa.e

ab bhī phirtī hai koī parchhā.īñ
raat ke vaqt bhare jañgal meñ

batā basīt zamāne hai kyā yahī insāf
jo hai adū-e-numūd-e-sahar vo raat huuñ maiñ

haTāo ā.īne ko ḳhudārā laboñ pe aayā hai dam hamārā
banāv tum dekhte ho apnā yahāñ hai dhaḌkā ki raat kam hai

ye alag baat ki ham raat ko hī dekh sakeñ
varna din ko bhī sitāroñ kā tamāshā hai vahī

din guzartā hai un kī yādoñ meñ
raushan ashkoñ se raat kartā huuñ

āñkhoñ meñ jāgtī hī rahī niiñd raat bhar
chaltī rahī ḳhayāl ke sahrā meñ garm lū

saare chaqmāq-badan aa.e the tayyārī se
raushnī ḳhuub huī raat kī chiñgārī se

shahar pe chhā.ī huī ḳhatra-e-yalġhār kī raat
zeb-e-tārīḳh rahegī karam-e-yār kī raat

shukriya tum ko rahā pās-e-hijāb-e-jānāñ
ai shab-e-kūcha-o-barzan dar-o-dīvār kī raat

dhuup meñ kūcha-navardī nahīñ jin kā maslak
un pe nāzil na huī gesū-e-ḳhamdār kī raat

maiñ ne dekhe haiñ vahāñ kitne nizām-e-shamsī
din ko kis tarah kahūñ anjuman-e-yār kī raat