Tags-Raat

kal raat ga.e ain-e-tarab ke hañgām
saaya vo paḌā pusht se aa kar sar-e-jām

har ik dhaḌkan dard kī gahrī Tiis meñ Dhal jaatī hai
raat ga.e jab yaad kā panchhī apne par phailā.e

palkoñ pe sab kī bojh hai ik ehtiyāt kā
kal raat mere gaañv meñ soyā koī na thā

jab raat kī zulmat ghaTtī hai jab sub.h kā nuur ubhartā hai
jab koyal kuukū kartī hai jab panchhī pī pī kartā hai

jab raat kā baḌhtā hai sannāTā chain se duniyā sotī hai
tab aañkh mirī khul jaatī hai aur dil kī rag rag rotī hai

din ko saa.e se to kuchh saath bhī the
raat ko phir ye rifāqat bhī ga.ī

kis salīqe se vo mujh meñ rāt-bhar rah kar gayā
shaam ko bistar sā kholā sub.h ko tah kar gayā

Dūbnā hī thā so Duubā chāñd us ke vasl kā
raat ko lekin hamesha kī shab muhayyā kar gayā

sub.h tak ham raat kā zād-e-safar ho jā.eñge
tujh se ham-āġhosh ho kar muntashar ho jā.eñge

mirī nazar meñ vahī mohnī sī mūrat hai
ye raat hijr kī hai phir bhī ḳhūb-sūrat hai

raat ko dekh ke ai maah tujhe ġhair ke saath
ta.ana-zan dil kā mire gul ke katāñ par aayā

chāñdnī-rāt meñ añdherā thā
is tarah bebasī ne gherā thā

ye aadhī raat ko phir chūḌiyāñ sī kyā khanaktī haiñ
koī aatā hai yā merī hī zanjīreñ chhanaktī haiñ

sard havā yā TuuTā taav puurī raat adhūrā chāñd
mere āñgan kī miTTī ko jaane kaun bhigo jaatā hai

tujh se bichhaḌ kar raat kā ik ik lamha sadiyoñ meñ kaTtā hai
din ke hote hote ab to ek zamāna ho jaatā hai

raat ga.e tanhā.ī mujh se akasr pūchhne aa jaatī hai
chup kī is bastī ko shor-o-ġhul meñ kaun Dubo jaatā hai

sahar hamāre muqaddar se duur hotī ga.ī
buland hotī ga.ī roz raat kī dīvār

zarā zarā sī baat par vo mujh se bad-gumāñ rahe
jo raat din the mehrbāñ vo ab na mehrbāñ rahe

masarratoñ kī dhuup un ke flat meñ hai raat din
hamāre ġham kī bastiyoñ meñ karb-e-jāvedāñ rahe

bas ek dhamāka ki raat kī sarhadoñ kā kuchh to surāġh paa.eñ
bas ek chiñgārī chāhtā ho fatīla-e-āftāb jaise