Tags-Raat

nikaltī thī jo raushnī dekhne
kisī tiira ghar kī makīñ raat thī

mile bhī to bikhre hue maah o saal
kahīñ din paḌā thā kahīñ raat thī

kisī ḳhaar mānind chubhtī rahī
ba-zāhir baḌī maḳhmalīñ raat thī

thā nārāz din mere ik fe.al par
kisī baat par ḳhashm-gīñ raat thī

zyāda hī gahrī thī 'shāhīñ' shafaq
baḌī der tak ātishīñ raat thī

DhūñDā unheñ jo raat kī tanhā.ī meñ 'hayā'
ik kahkashāñ sī zehan pe chhātī chalī ga.ī

kyoñ na sapne meñ tirā ham naam leñ
rāt-din is kī riyāzat ham ne kī

din ko kah deñ raat ham samjhe nahīñ
aap kī ye baat ham samjhe nahīñ

soch meñ tere sunā raat jo khaTkā-paTkā
sar ko takiye se uThā paTTī pe de de paTkā

kyā bhūlne degī vo mujhe rāt-kī-rānī
vo zulf vo ḳhushbu-e-badan yaad rahegī

ye kah ke phirtī hai din raat āsiyā-e-falak
mile to ḳhirman-e-mah de ke luuñ maiñ dāna-e-ishq

kitne bhī ghanere hoñ tirī zulf ke saa.e
ik raat meñ sadiyoñ kī thakan kam nahīñ hotī

kare vo raat kī mānind daaġh daaġh mujhe
maiñ rañg rañg karūñgā use sahar kī tarah

phir shaam kī shāḳhoñ pe haiñ yādoñ ke basere
phir us ne mirī raat ko gulzār kiyā hai

ye kyā huā hai raat ko kyūñkar niDhāl hai
merī hī tarah chāñd falak par niDhāl hai

vo aur hoñge nufūs be-dil jo kahkashā.eñ shumārte haiñ
ye raat hai puure chāñd kī ham tirī mohabbat hisārte haiñ

mahakte gesuoñ kī raat guzrī
savā neze pe ab sūraj khaḌā hai

siine meñ sulagte hue lamhāt kā jañgal
kis tarah kaTe tāroñ bharī raat kā jañgal

tirī judā.ī kā ġham hai na tere milne kā
maiñ apnī aag meñ din raat jaltā rahtā huuñ

kaise kaise vahm palte haiñ bashar ke zehn meñ bhī
chand jur.e sher kā ḳhūñ-nosh karnā raat ko maithan se pahle