Tags-Raat

raat Dhalte Dhalte aa.ī sub.h kī dahlīz tak
dil ne lai tabdīl kar dī sāz-e-jāñ maddham huā

na guzrā kabhī ek lamha sukūñ se
mohabbat meñ aa.e vo din-rāt paiham

guzishta raat mujhe sīḌhiyoñ meñ yaad aayā
tirī thakan kā sabab bhī kisī kā ġham hogā

bahut itrā rahī hai raat zulf-e-ambarīñ ban kar
bahut maġhrūr hai nūr-e-sahar rañg-e-jabīñ ban kar

roz jab raat ko bārah kā gajar hotā hai
yātnāoñ ke añdhere meñ safar hotā hai

ḳhvāb ham din meñ pakaḌ leñ koī jugnū jaisā
bārhā raat meñ phir us ko jilā kar dekheñ

rabt ke pahlū samajhnā aur ronā saarī raat
bas yahī kuchh kaam haiñ nākām ho jaane ke baad

mil jaa.e ek raat mohabbat kī zindagī
phir ḳhvāhish-e-hayāt hameñ umr-bhar nahīñ

jis raat bhī charāġh-e-shab-e-ġham rahā huuñ maiñ
us raat raushnī meñ bahut kam rahā huuñ maiñ

kahīñ kahīñ koī taara kahīñ kahīñ jugnū
jo merī raat thī vo aap kā saverā hai

sahar se shaam huī shaam ko ye raat milī
har ek rañg samay kā bahut ghanerā hai

ye bhīgī raat ye ThanDā samāñ ye kaif-e-bahār
ye koī vaqt hai pahlū se uTh ke jaane kā

koī to raat ko dekhegā javāñ hote hue
is bhare shahr meñ bedār koī to hogā

shikva-e-dil meñ raat biit ga.ī
hijr se kam tirā visāl nahīñ

phir aaj kaise kaTegī pahāḌ jaisī raat
guzar gayā hai yahī baat sochte hue din

raat ke andhe darīchoñ ko munavvar dekhte
ham khulī ā.ankhoñ se jo ḳhvāboñ ke manzar dekhte

ka.ī saal se kuchh ḳhabar hī nahīñ
kahāñ din guzārā kahāñ raat kī

ghanghor ghaTā ke āñchal ko jab kaalī raat nichoḌ ga.ī
ik tanhā.ī ko chain milā ik tanhā.ī dam toḌ ga.ī

har chand nazar ne tāroñ par shab-ḳhūn to maarā hai lekin
ye raat sahar ke dāman par kuchh daaġh lahū ke chhoḌ ga.ī

shahar kī vīrāniyoñ par nauhagar
ruuh ban kar rāt-bhar bhaTkā karūñ