Tags-Raat

bechain is qadar thā ki soyā na raat bhar
palkoñ se likh rahā thā tirā naam chāñd par

barhaman aur shaiḳh meñ jhagḌe yahī haiñ raat din
terī kitāb kuchh nahīñ terī kitāb kuchh nahīñ

raat ko mai-kade meñ kal thī kisī mast kī sadā
ek nazar kā rañg hai rañg-e-sharāb kuchh nahīñ

kaalī raat ke sahrāoñ meñ nūr-sipārā likkhā thā
jis ne shahr kī dīvāroñ par pahlā na.ara likkhā thā

raat thak kar aan girtā hai mire jalte badan kī aañch par
apne aañsū mere gāloñ par Dhalakte dekhtā rahtā hai vo

Dar Dar ke jāgte hue kaaTī tamām raat
galiyoñ meñ tere naam kī itnī sadā lagī

yuuñ bhī huā ik arse tak ik sher na mujh se tamām huā
aur kabhī ik raat meñ ik dīvān mujhe ilhām huā

ḳhayāl-e-māh-rū meñ tā-dam-e-sub.h
na aayā raat mujh ko ek dam ḳhvāb

kahe thā raat ko 'hātim' se 'mazmūñ'
mujhe maḳhmal upar aatā hai kam ḳhvāb

dil kī ek ik kanī bichhātī huuñ
rāt-bhar raushnī bichhātī huuñ

tū agar āzād lamhoñ kā payambar hai 'najīb'
raat kī zanjīr kyuuñ phir vaqt ke paañv meñ thī

niiñd se bojhal haiñ palkeñ raat kī
ik adhūrī Diary hai aur maiñ

din ko din raat ko maiñ raat na likhne pā.ūñ
un kī koshish hai ki hālat na likhne pā.ūñ

raat ko jab yaad aa.e terī ḳhushbu-e-qabā
tere qisse chheḌte haiñ raat kī raanī se ham

raat kaun aayā thā
kar gayā sahar raushan

raat bhar ḳhvāb mele se ta.abīreñ ham ne ḳharīdīñ vahāñ
bik rahā thā vahī maal jis ko kabhī pahle dekhā nahīñ

kaam apnā muñh añdhere ḳhatm kar letī hai raat
ik siyāhī sub.h ke chehre pe mal jaane ke ba.ad

vasl kī raat raat hotī hai
qalb bedār aañkh sotī hai

paas aa jaanā agar chāñd kabhī chhup jaa.e
mere jīvan kī koī raat adhūrī na rahe

raat bhar rotī rahī be-sūd sham-e-ārzū
jab sar-e-mahfil chalā aayā hai parvāna koī