Tags-Raat

ḳhunuk siyah mahke hue saa.e phail jaa.eñ haiñ jal-thal par
kin jatanoñ se merī ġhazleñ raat kā juuḌā kholeñ haiñ

ḳhvāboñ se na jaao ki abhī raat bahut hai
pahlū meñ tum aao ki abhī raat bahut hai

kyā huā vo soz-e-furqat aur surūr-e-intizār
dil se terī yaad kī din raat ham-āġhoshiyāñ

nazzāra-e-nigāh hai ye jaltā-bujhtā din
kuchh ġham nahīñ jo raat kī dāvat badal ga.ī

mire ghar kī ūñchī muñDer pe vo jo kaalī billī thī ghūmtī
vahī aa ke chupke se raat meñ mirī fāḳhta ko nigal ga.ī

saarī raat bitā Daalī
taara taara Duub gayā

kuchh nahīñ kah rahī ye raat mujhe
dard se chāhiye najāt mujhe

chalte-phirte hue ujāle meñ
DhūñD letī hai roz raat mujhe

ġhaflat-shi.ār dil pe koī raat Daal kar
jaatā hai mehr ġhaiz-o-ġhazab se bharā huā

āḳhirī moḌ pe pahuñchī hai kahānī lekin
Dhal ga.ī raat chalo luuT ke ghar jaanā hai

is baat par karūñgā maiñ din raat ehtijāj
kis jurm meñ ye ḳhaak kā bistar milā mujhe

raat guzarte shāyad thoḌā vaqt lage
dhuup unDelo thoḌī sī paimāne meñ

gāliyoñ kī jhaaḌ bāñdhī qasd-e-sargoshī meñ raat
kyā kahā chāhe thā maiñ us bad-gumāñ ne kyā kahā

do thake-hāre diloñ ne ik nadī par raat kī
thī magar jazboñ meñ vo pahlī sī tuġhyānī na thī

ruk gayā thā vo mire hujre meñ jaane kis liye
āsmāñ shaffāf thā aur raat tūfānī na thī

un ke lahje meñ un kī bātoñ meñ
chāñdnī-rāt kī sabāhat hai

jab din chaḌhā badan pe badan sī sajī qamīs
utrī jo raat ghar meñ badan raat kī qamīs

raushnī dene lage the mirī āñkhoñ ke charāġh
raat taktā thā samundar mujhe hairānī se

apnī ġhurbat kī kahānī ham sunā.eñ kis tarah
raat phir bachcha hamārā rote rote so gayā

yuuñ tirī yaad meñ din raat magan rahtā huuñ
dil dhḌaknā tire qadmoñ kī sadā lagtā hai