Tags-Raat

kaise pahchānūñ maiñ in meñ kaun se haiñ mire log
raat kī āñdhī meñ sab chehre ek se lagte haiñ

kuchal kuchal ke na fōt-pāth ko chalo itnā
yahāñ pe raat ko mazdūr ḳhvāb dekhte haiñ

raat bhī chāñd bhī samundar bhī
mil ga.e kitne ġham-gusār mujhe

haa.e ye apnī javānī aur ye baḳht-e-siyāh
ye añdherī koTharī phir raat ho jaane ke ba.ad

tamām raat vo pahlū ko garm kartā rahā
kisī kī yaad kā nashsha sharāb jaisā thā

ab terī daad na fariyād kiyā kartā huuñ
raat din chupke paḌā yaad kiyā kartā huuñ

raat kā ye samundar tumhāre liye
tum samundar kī ḳhātir bane ho

rahtā hai kyā tasavvur din raat mujh ko us kā
āñkhoñ meñ laal sar kā phirtā hai kankhajūrā

yad-e-baizā kī tū hai mālkin ai safed sañg kī mūrtī
tirī aañkh dariyā-e-nīl hai mirī raat koī nikāl bhī

Dhalegī raat to niklegā āftāb koī
ki shahr-e-ḳhvāb pe aa.egā phir azaab koī

raat be-sudh ho ke so.egī yahāñ
is liye sūraj ne parda kar liyā

aur abhī vo baat nahīñ thī
puure chāñd kī raat nahīñ thī

kyā kyā na sitam mujh pe kiyā raat ne aa kar
din kaise mirī jaan guzāre nahīñ dekhe

aaj kī raat bhī phir ḳhvāb jagā.eñ ge mujhe
phir vo karvaT se ḳhayāloñ ke tasalsul ko miTāne kī kashīd-e-koshish

raat ke pur-kaif sannāTe meñ bansī kī sadā
chāñdnī ke sīm-gūñ shāne pe lahrātī huī

raat biitī to gine aable aur phir sochā
kaun thā bā.is-e-āġhāz-e-safar shaam ke ba.ad

tū hai sūraj tujhe ma.alūm kahāñ raat kā dukh
tū kisī roz mire ghar meñ utar shaam ke ba.ad

zindagī kashmakash-e-vaqt meñ guzrī apnī
din ne jiine na diyā raat ne marne na diyā

maiñ tamām taare uThā uThā ke ġharīb logoñ meñ baañT duuñ
vo jo ek raat ko āsmāñ kā nizām de mire haath meñ

hai iztirāb har ik rañg ko bikharne kā
ki āftāb nahīñ raat bhar Thaharne kā