Tags-Raat

raat to saarī ga.ī sunte pareshāñ-goī
'mīr'-jī koī ghaḌī tum bhī to ārām karo

vāqif kahāñ the raat kī sargoshiyoñ se ham
bistar kī silvaToñ se bhī mālūm kab huā

ḳhvāb hai us se baat karne kā
koī ḳhvāboñ kī raat mil jaa.e

pūchhnā chāñd kā patā 'āzar'
jab akele meñ raat mil jaa.e

añdherī raat kī parchhā.iyoñ meñ Duub gayā
sahar kī khoj meñ jo bhī ufuq ke paar gayā

raat kī baat kā mazkūr hī kyā
chhoḌiye raat ga.ī baat ga.ī

raat ke aks-e-taḳhayyul se mulāqāt ho jis kā maqsūd
kabhī darvāze se aatā hai kabhī khiḌkī se

gharauñde ḳhvāboñ ke sūraj ke saath rakh lete
paroñ meñ dhuup ke ik kaalī raat rakh lete

yahī hai gar ḳhushī to raat bhar ginte raho taare
'qamar' is chāñdnī meñ un kā ab aanā to kyā hogā

kone lag baiThe to 'jur.at' ai vaa.e!
phir vahī raat thī aur ronā thā

kuchh raat ga.e kuchh raat rahe ham akasr ashk bahāte haiñ
kyā jaane aag lagāte haiñ yā dil kī aag bujhāte haiñ

us kī rañgīn qurbatoñ ke sabab
raat jannat-numā mirā ghar thā

raat kaTtī hai maze meñ chain se hotī hai sub.h
chāñdnī maujūd hai bād-e-sabā maujūd hai

raat bhārī kaTī shāyad ga.e din lauT aa.e
shams' ne parcham-e-ummīd-e-sahar kholā hai

kisī sūrat sahar nahīñ hotī
raat idhar se udhar nahīñ hotī

jo marhaloñ meñ saath the vo manziloñ pe chhuT ga.e
jo raat meñ luTe na the vo dopahar meñ luT ga.e

raat bhar us kā fasāna likh ke ham
itnā ro.e sab kitābat bah ga.ī

raat majlis meñ tire husn ke sho.ale ke huzūr
sham.a ke muñh pe jo dekhā to kahīñ nuur na thā

mujh se kahtā hai mirā shoḳh ki iqbāl-'matīn'
tum rahe raat kahāñ ye to ḳhudā jaane hai

ḳhanjar chamkā raat kā siina chaak huā
jañgal jañgal sannāTā saffāk huā