Tags-Raat

sāmne baiTh ke dekhā thā use vasl kī raat
aur vo raat hī āsāb pe chhā.ī huī hai

rāt-bhar hotā rahā hai us ke aane kā gumāñ
aise Takrātī rahī ThanDī havā pardoñ ke saath

ishq hai mish.al-e-nazar varna
zindagī kyā hai ik añdherī raat

sajdoñ se raat din ke hai tauhīn-e-bandagī
sar toḌne ke vāste patthar hai aur ham

is ḳhauf se ki paañv na khul jaa.e ġhair kā
din raat kū-e-yār kā chakkar hai aur ham

raat
gahrī muhīb ḳhāmoshī

dil kā har zaḳhm kuchh is tarah lahak uTThā hai
rāt-bhar yādoñ kī purvā.ī chalī ho jaise

aaj kī sub.h bhī hai vaisī hī bojhal bojhal
aaj kī raat bhī āñkhoñ meñ kaTī ho jaise

aaj kī raat ḳhair se guzre
dard-e-dil baar baar uThtā hai

'ashk' koī hai mujh meñ jo din chaḌhte chaḌhte Dah detā hai
raat ga.e tak chunī huī be-hañgam miTTī kī dīvāreñ

hashr ke din kī raat ho ki na ho
apnā va.ada vafā kare koī

sūraj kī tarah qariya-e-mahtāb meñ aayā
raat ek ajab shaḳhs mire ḳhvāb meñ aayā

havas-e-vaqt kā andāza lagāyā jaa.e
raat pāgal huī darvāza lagāyā jaa.e

tujh se baat kartī hai
din se raat karnī hai

khaḌī thī raat khiḌkī ke sirhāne
darīche meñ vo chāñd utrā nahīñ thā

raat ko aksar hotā hai parvāne aa kar
Table lamp ke gard ikaTThe ho jaate haiñ

hai gulū-gīr bahut raat kī pahnā.ī bhī
terā ġham bhī hai mujhe aur ġham-e-tanhā.ī bhī

raat din gardish meñ haiñ saat āsmāñ
ho rahegā kuchh na kuchh ghabrā.eñ kyā

zindagī mahbūb hai phir bhī duā.eñ maut kī
māñgtā hai dil mirā din raat kyuuñ

maiñ ek borī meñ laayā huuñ bhar ke mūñg-phalī
kisī ke saath december kī raat kāTnī hai