Tags-Raat

tū kahāñ hai tujh se ik nisbat thī merī zaat ko
kab se palkoñ par uThā.e phir rahā huuñ raat ko

sulagtī rahī raat bhar chāñdnī
shab-e-hijr thī raushnī kam bahut

vo shab ke saa.e meñ fasl-e-nashāt kāTte haiñ
ham apnī zaat ke hujre meñ raat kāTte haiñ

thakan se puurā badan chuur chuur hotā hai
pahāḌ kāTte haiñ ham ki raat kāTte haiñ

raat kartā thā vo ik murġh-e-giraftār se bahs
maiñ bhī tā-sub.h rakhī bulbul-e-gulzār se bahs

hoñ vo dīvāna ki ik shab bhī jo maiñ ghar meñ rahūñ
raat ko sub.h karūñ kar dar-o-dīvār se bahs

jaane kab tak tirī tasvīr nigāhoñ meñ rahī
ho ga.ī raat tire aks ko takte takte

aur sab log to mai-ḳhāne se ghar lauT ga.e
mehrbāñ raat ne siine se lagāyā hai mujhe

raat ke ba.ad vo sub.h kahāñ hai din ke ba.ad vo shaam kahāñ
jo āshufta-sarī hai muqaddar us meñ qaid-e-maqām kahāñ

karāhtī haiñ ye bistar kī silvaTeñ merī
tamām raat maiñ yuuñ karvaTeñ badaltā huuñ

is qadar der na karnā ki ye āseb-nagar
raat kā ruup le aur jism meñ dāḳhil ho jaa.e

ik dhuñdlakā huuñ zarā der meñ chhaT jā.ūñgā
maiñ koī raat nahīñ huuñ jo sahar tak jā.ūñ

ġhurbat meñ ajnabī kā bhī hotā hai ghar kahīñ
din-bhar kahīñ guzār diyā rāt-bhar kahīñ

ḳhvāb kā raaz faqat raat ke siine meñ hai
din meñ ta.abīr kī titlī ko pakaḌnā chhoḌo

na luTtā din ko to kab raat ko yuuñ be-ḳhabar sotā
rahā khaTkā na chorī kā duā detā huuñ rahzan ko

raat saarī kisī TuuTī huī kashtī meñ kaTī
aañkh bistar pe khulī ḳhvāb meñ dariyā dekhā

raat aa.e to so jā.ūñ añdheroñ se lipaT kar
maiñ sub.h se Dartā huuñ ki sūraj kā Dasā huuñ

sūraj ne aañkh khol ke dekhā zamīn ko
saa.e añdherī raat ke jhaT se hare hue

din-rāt ik junūn-e-talāsh-e-ma.āsh hai
ab koī munharif hai na qaa.il ḳhudā gavāh

kunj-e-qafas meñ baaġh se aa.e the jo na.e asiir
sauteñ unhoñ kī saarī raat mere jigar meñ sāliyāñ