Tags-Raat

tum ko 'mā.il' bahut hai sharm-e-gunāh
rāt-din munfa.il tumhīñ to ho

furqat kī raat vasl kī shab kā maza milā
pahroñ ḳhayāl-e-yār se bāteñ kiyā kiye

raat lambī hai chalo ġhībat-e-yārāñ kar leñ
shab kisī taur to ho jaa.e basar apnā kyā

jaam phir taaza karo raat bahut lambī hai
kuchh to karnā hai miyāñ tā-ba-sahar apnā kyā

balā kī dhuup thī din bhar to saa.e bunte the
añdherī raat hai chiñgāriyāñ banāte haiñ

kahūñ kis se raat kā mājrā na.e manzaroñ pe nigāh thī
na kisī kā dāman-e-chāk thā na kisī kī tarf-e-kulāh thī

vo jo raat mujh ko baḌe adab se salām kar ke chalā gayā
use kyā ḳhabar mire dil meñ bhī kabhī ārzū-e-gunāh thī

dil dhaḌaktā hai har sitāre kā
aaj kī raat āsmānoñ meñ

nuur kī bārish abhī hone de thoḌī der aur
ik zarā sī der hī to raat Dhal jaane meñ hai

hameñ vo DhūñD na paayā thā rāt-bhar 'sājid'
ki ham usī kī tarah be-surāġh the us din

sub.h aa.egī janāze meñ liye sūraj ko
yād-e-māzī meñ agar raat pighal jā.egī

shaam jab lauT ga.ī chhoḌ ke tanhā tujh ko
tā mujhe chhoḌ ke ab raat bhī Dhal jā.egī

raat ke dasht meñ phailā huā sannāTā huuñ
apne saa.e se bichhaḌne kī sazā paatā huuñ

maiñ kabhī apne liye ġhair nahīñ thā itnā
ā.īna dekh ke kal raat bahut royā huuñ

raat vīrān hai bahut vīrān
āsmāñ laash hai jalī huī laash

raat damaktī hai rah rah kar maddham sī
khule hue sahrā ke haath pe nīlam sī

lambī raat guzar jaa.e ta.abīroñ meñ
us kā paikar ek kahānī mub.ham sī

bhiig chalīñ ab raat kī palkeñ
tū ab thak kar soyā hogā

rail kī gahrī siiTī sun kar
raat kā jañgal gūñjā hogā

dastak havā kī sun ke kabhī Dar nahīñ gayā
lekin maiñ chāñd-rāt meñ bāhar nahīñ gayā